बालिका बलात्कारको प्रयास गर्ने पक्राउ
रुकुम पश्चिम — १४ वर्षीया बालिका बलात्कारको प्रयास गर्ने एक जनालाई प्रहरीले पक्राउ गरेको छ । सानीभेरी गाउँपालिका–१ सोताटोलका ४५ वर्षीय गंगे भन्ने गंगाराम पुनलाई प्रहरीले पक्राउ गरेको हो ।
गत भदौ २८ गते बेलुकी ७ बजे अभिभावक नभएको मौका छोपी बालिका बलात्कारको प्रयास गरेका पुनलाई प्रहरीले असोज १ गते पक्राउ गरिएको प्रहरीले जनाएको छ ।
जबरजस्ती करणी गर्न प्रयास गरेपछि बालिका भाग्न सफल भएकी थिइन् । पुन विरुद्ध बालिकाका आफन्तले असोज १ गते प्रहरीमा उजुरी दिएका थिए ।
उजुरी दिएको २४ घण्टामै पुनलाई पक्राउ गरिएको जिल्ला प्रहरी प्रमुख प्रहरी नायव उपरीक्षक सुमित खड्काले बताए । लुकिछिपी बसेको अवस्थामा पक्राउ परेका पुन विरुद्ध जबरजस्ती करणी उद्योगमा मुद्दा चलाइएको छ ।
प्रकाशित : आश्विन ३, २०७६ ११:३६प्रतिक्रिया