२५.१२°C काठमाडौं
पहिरोमा पुरिएर एकको मृत्यु, अर्का घाइते
जाजरकोट — छेडागाड नगरपालिका–५ सुवानाउलीका १८ वर्षीय खडगबहादुर रावतको पहिरोमा परेर मृत्यु भएको छ । बुधबार राति छिमेकीको घरबाट फर्कने क्रममा पहिरोमा पुरिएर मृत्यु भएको हो ।
पहिरोमा परेर सोही ठाउँका १७ वर्षीय निमबहादुर रावत सामान्य घाइते भएका छन् । घाइते निमबहादुरको स्थानीय स्वास्थ्य संस्थामा उपचार भइरहेको राष्ट्रिय अनुसन्धान कार्यालय जाजरकोटका प्रमुख सन्जीव शाहले बताए ।
धामी झाक्रीसँग झारफुक गराएर घर फर्कने क्रममा दुवैजना पहिरोमा परेको उनले बताए ।
प्रतिक्रिया
