हटाइँदै सडक अतिक्रमण

सडक डिभिजन कार्यालयसँग समन्वय गरी १५ मिटर आसपासका क्षेत्रका संरचना हटाइन थालिएको नगरपालिकाले जनाएको छ । नगरपालिकाका अनुसार घरटहरा हटाउन तीनमहिने सूचना प्रकाशित गरिएको हो ।

तोकिएको अवधिभित्र सम्बन्धित व्यक्तिले घरटहरा नभत्काए डोजर प्रयोग गरी भत्काइने प्रमुख प्रशासकीय अधिकृत हरिबहादुर खत्रीले बताए । उनका अनुसार सडक चौडा नहुँदा दिनहुँ सल्लीबजार आसपासमा दुर्घटना बढ्दै गएको छ ।

‘अहिले सल्लीबजारको सडक क्षेत्र १५ मिटर चौडा छ, थप १५ मिटर कायम गरी सडक फराकिलो बनाउन लागिएको हो,’ उनले भने, ‘सल्लीबजार–चौरजहारी खण्डको सुनौली, नाथेखोला, शंखपिपल, च्युरा र गर्चे बजारमा पनि १५ मिटर चौडा बनाइनेछ ।’ उनले नगरका विभिन्न क्षेत्रमा अतिक्रमण बढेको भन्दै क्रमशः हटाउने योजना बनाइएको जानकारी दिए ।