कान्तिपुर वेबसाईट
AdvertisementAdvertisement
२४.१२°C काठमाडौं
काठमाडौंमा वायुको गुणस्तर: १३४

भाइरल ज्वरोका बिरामी बढ्दै 

विप्लव महर्जन

सल्यान — जिल्लामा भाइरल ज्वरोको प्रकोप बढ्दै गएको छ । प्रकोपका कारण दैनिक ज्वरोका बिरामी हुनेको संख्या बढ्दै छ । जिल्ला अस्पताल सल्यानमा भाइरल ज्वरोका बिरामी आउनेको संख्या बढदै गएको अस्पतालका इन्चार्ज डा. अर्जुन बुढाले बताए । पहिला आठ/१० जना आउने ठाँउमा हिजोआज दैनिक १५/२० जना आउने गरेको उनले जानकारी गराए ।

भाइरल ज्वरोको प्रकोप बढदै गएपनि अस्पतालमै भर्ना गर्नु पर्ने अवस्था नरहेको र ज्वरोकै कारण कसैमा पनि निमुनिया तथा टाइफाइडको समस्या नदेखिएको उनले जानकारी गराए ।


उनका अनुसार पहिला आठ/१० जना आउँथे । अहिले १५/२० जना आउनु प्रकोप बढेको नै हो । ज्वरोका कारण बालबालिका बढी प्रभावित छन् । प्रकोप बढ्दै गएपनि जोखिम नरहेको उनले बताए । भाइरल ज्वरोका साथै बालबालिकामा रुघाखोकी लाग्ने, पातलो सिंगान बग्ने, टाउको दुख्ने,बान्ता गर्ने समस्या देखिएको उनको भनाइ छ ।


भाइरल ज्वरोका कारण कजेरीका अधिकांश बालबालिका प्रभावित भएका र एकै घरका तीन/चार जना समेत बिरामी भएका स्वयंसेविका हिमा बुढाथोकीले बताइन् । उनले केही बालबालिकालाई कडा ज्वरो समेत आएको उनले जानकारी गराइन् ।


कुमाख गाउँपालिकाको स्वास्थ्य शाखा प्रमुख मानसिं ओलीले स्वास्थ्यचौकीमा भाइरल ज्वरोका बिरामी बढ्दै गएपनि अहिलेसम्म बाहिर लग्नु पर्ने अवस्था कसैलाई नदेखिएको बताए । दैनिक स्वास्थ्यचौकीमा कति बिरामी आउछन् भन्ने यकिन नभएको उनले जानकारी गराए ।


जिल्ला स्वास्थ्य कार्यालय सल्यानले भने कतैबाट बिरामीबारेसूचना नआएकाले कति बिरामी छन् भन्न नसकिने जनाएको छ ।

प्रकाशित : भाद्र १३, २०७६ १४:०९
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?