चन्द समूहका कार्यकर्ता पक्राउ

प्रहरीले चन्दा संकलनमा संलग्न रहेका बागचौर नगरपालिका ५ बस्ने चन्द समूहका विद्यार्थी संगठनका सदस्य १९ वर्षीय महेशकुमार बिक र शारदा नगरपालिका १३ स्यानीखालका १८ वर्षीय सुरेश भारतीलाई पक्राउ गरेको हो ।

यस्तै चन्द समूहको ब्यानर बनाई सहयोग गर्ने त्रिवेणी गाउँपालिका ४ घर भई हाल श्रीनगरमा डिजिटल आर्ट सञ्चालन गरेर बस्दै आएका २५ वर्षीय हरि केसीलाई पनि पक्राउ गरिएको जिल्ला प्रहरी कार्यालय सल्यानले जनाएको छ ।

पक्राउमा परेका तीनजनालाई जिल्ला प्रहरी कार्यालयमा हिरासतमा राखेर थप अनुसन्धान भइरहेको प्रहरी नायब उपरीक्षक वीरेन्द्रबहादुर शाहीले बताए । सरकारद्धारा प्रतिबन्धित पार्टीलाई सहयोग गरी गैरकानुनी काम गरेकाले केसीलाई पक्राउ गरिएको उनले जानकारी दिए ।