च्याउ लागेर १२ बिरामी

हरि गौतम

रुकुम पश्चिम — जंगलबाट ल्याएको विषालु च्याउ खाँदा १२ जना बिरामी परेका छन् । शनिबार दिउँसो जंगलबाट ल्याएका च्याउ खाएर सुतेकाहरु रातिदेखि बिरामी परेका थिए । मुसीकोट नगरपालिका-१, चन्दननाथ टोलका १२ जना बिरामी परेका हुन् ।

सोही टोलका ८ वर्षीया अन्जु केसी, ६ वर्षका अनोज केसी, १२ वर्षका रमेश केसी, १५ वर्षका नविन केसी र १७ वर्षकी कल्पना केसी बिरामी परेका छन् ।

यसैगरी ५४ वर्षीया चन्द्रकुमारी गिरी, २४ वर्षीया जमुना गिरी, २५ वर्षीया पुष्पाञ्जली गिरी पनि विषालु च्याउ खाएर बिरामी परेका छन् । ३० वर्षीया मनिषा बुढा, ६० वर्षकी देवी खनाल, वर्ष १३ को नवराज खनाल र १६ वर्षीया हिमाली खड्का पनि च्याउ खाएकै कारण बिरामी परेको जिल्ला प्रहरी प्रमुख प्रहरी नायव उपरीक्षक सुमित खड्काले बताए ।

बिरामी सबैको मुसीकोट नगरपालिका–१, स्थित साझा अस्पतालमा उपचार भइरहेको छ । सबैको अवस्था सामान्य रहेको जनाइएको छ ।

वान्ता हुने, वाकवाकी लाग्ने, पेट ढुस्स हुने जस्ता लक्षण देखिएपछि उनीहरुलाई अस्पताल ल्याइएको थियो । पहिला आउने बिरामी शनिबार राति ९ बजे आएका थिए भने अन्तिममा आउने बिरामी बिहान २ बजे अस्पताल पुगेका थिए । हाल सबैको अवस्थामा सुधार आइसकेको उपचारमा संलग्न डा.दिपक पुनले बताए । सुरुमा बालबालिकालाई समस्या देखिएपछि अरु पनि आत्तिएको भनाई डा.पुनको छ ।

प्रकाशित : असार २९, २०७६ १२:१९
प्रतिक्रिया
पठाउनुहोस्

यस्तो थियो माधव नेपाल नेतृत्वको ललिता निवाससम्बन्धी विवादास्पद निर्णय

कृष्ण ज्ञवाली

काठमाडौँ — प्रधानमन्त्री निवास बालुवाटारको कम्पाउन्ड विस्तारका क्रममा २०६६ साल चैतमा तत्कालीन प्रधानमन्त्री माधवकुमार नेपाल नेतृत्वको मन्त्रिपरिषद्ले गरेको निर्णय हाल अख्तियारमा छानविनका क्रममा छ । सरकारी जग्गामा मोही कायम गर्ने तत्कालीन मन्त्रिपरिषद्को निर्णय अघिको प्रस्ताव यस्तो थियो :

मन्त्रिपरिषद्मा गएको प्रस्ताव

निर्णय हुनुपर्ने व्यहोरा : देहायबमोजिम गर्न सैद्धान्तिक स्वीकृति दिने ।
१. नेपाल सरकार समरजंग कम्पनीको नाममा (मोही जनिएको) ललिता निवासको क्याम्पा क्षेत्रको चारकिल्लाभित्र जम्मा क्षेत्रफल २७–७–२–१ रोपनी सरकारी जग्गामध्ये मोही भाग कट्टा गरी बाँकी रहने १३–११–३–०.५ जग्गा र साविक बाटो तथा राजकुलोसमेतको क्षेत्रफल ०–१५–०–२ रोपनी गरी जम्मा क्षेत्रफल १४–१०–३–२.५ रोपनी अनुसूची १ मा उल्लेख भएबमोजिमका जग्गा मिलान गरी नक्साबमोजिम दक्षिणतर्फ (प्रधानमन्त्री निवास क्षेत्र परिसर) विस्तार गर्ने ।
२. मोहीको हिस्सामा पर्ने क्षेत्रफल १३–११–३–०.५ रोपनी जग्गा र परिसर विस्तार गर्दा विस्तारित क्षेत्रमा पर्ने अनुसूची २ मा उल्लेख भएबमोजिमका व्यक्तिका नाममा दर्ता रहेको जग्गाको शोधभर्ना तथा सट्टापट्टा गर्न भूमिसुधार तथा व्यवस्था मन्त्रालयबाट आवश्यक व्यवस्था मिलाउने ।

३. सम्मानीय प्रधानन्यायाधीशज्यू निवासको पश्चिम तर्फदेखि सम्मानीय प्रधानमन्त्रीज्यूको निवासको प्रस्तावित विस्तारित क्षेत्रको दक्षिणतर्फ भई सम्माननीय सभामुखज्यूको निवासबाट निस्की सुवर्णशमशेर मार्गमा जोड्ने गरी करिब ५ सय ७० मिटर लामो ८ मिटर चौडा बाटो निर्माण गर्ने ।

४. उक्त बाटो निर्माण गर्न आवश्यक अनुसूची ३ मा उल्लेख भएबमोजिम क्षेत्रफल ८(१४(३(० रोपनी जग्गामध्ये नेपाल सरकारको नाममा रहेको क्षेत्रफल १(११(२(० रोपनी र व्यक्तिका नाममा दर्ता रहेको क्षेत्रफल ७(३(१(१ रोपनी (सट्टाभर्ना नपाउने गरी) सहमतिबमोजिम प्राप्त गर्ने ।

५. सम्माननीय प्रधानमन्त्री निवास, सम्माननीय प्रधानन्यायाधीश निवास तथा सम्माननीय सभाध्यक्ष निवास परिसरको जग्गाको स्रेस्ता हालसम्म यकिन नभएकाले भोगचलनअनुसार फिल्ड नापी गरी भूमिसुधार तथा व्यवस्था मन्त्रालयले स्रेस्ता कायम गर्ने ।

६. विशिष्ट व्यक्तिहरूको निवास भवनको वरिपरि निजीक्षेत्रबाट निर्माण हुने भवनहरूको उचाइ, सुरक्षा खुला जग्गाहरूमा निर्माण हुने भवनहरूको बनोट, वास्तुकला र सो वरपर बसोबास गर्न आउने मानिसहरूको लगतसमेत आउने गरी काठमाडौं उपत्यका नगर विकास समितिमार्फत विशेष भवन निर्माण मापदण्ड तयार गरी कार्यान्वयन गर्ने ।
७. भूमिसुधार तथा व्यवस्था मन्त्रालयबाट प्राविधिक खटाई फिल्डमा बाटोको रेखांकन गर्ने, रेखांकन कार्य सम्पन्न भएपछि पर्खाल तथा बाटो निर्माण गर्ने कार्य बजेट व्यवस्था गरी भवन निर्माण सम्भार डिभिजन कार्यालयले गर्ने ।

(दीप बस्न्यात)
सचिव
मिति : २०६६/१२/१९




प्रकाशित : असार २९, २०७६ १२:०६
पूरा पढ्नुहोस्
प्रतिक्रिया
पठाउनुहोस्