अविरल वर्षाले ५ दिनदेखि हवाई सेवा अवरुद्ध

कान्तिपुर संवाददाता

डोल्पा — अविरल वर्षा कारण डोल्पाको हवाई सेवा ५ दिनदेखि अवरुद्ध हुँदै आएको छ । जसका कारण यात्रुहरु लामो समयदेखि होटेलमा बस्न तथा पैदल यात्र गरेर नेपालगञ्ज, सुर्खेत तर्फ झर्न बाध्य छन् । 

वर्षा र बादलका कारण नेपलगञ्ज र सुर्खेतबाट डोल्पाका लागि हुने सम्पूर्ण हवाई उडानहरु ५ दिनदेखि अवरुद्ध रहेका छन् । हवाई यातायात अवरुद्ध भए पछि यात्रुहरु डोल्पाबाट विभिन्न शहरमा झर्ने यात्रुहरु विमानस्थल जुफालमा ५ दिनदेखि अलपत्र परेको विमानस्थलको ठूलीभेरी नगरपालिकाको ८ नम्बरका वडाअध्यक्ष हरिप्रसाद डाँगीले बताए ।
हप्ताअघि देखि उठेको कुहिरोले आकाश पूर्ण रुपमा अन्धकारमय बनाएको छ । कुहिरो सँगै अविरल वर्षा भैरहेकाले हिडेर यात्रा गर्न पनि बाढी र पहिरोको जोखिम बढेको छ । पैदल यात्रा पनि जोखिमपूर्ण र हवाई यातायात पनि अवरुद्ध भए पछि आर्थिक वर्षको अन्तिम भूक्तानी लिन कर्णाली प्रदेश केन्द्र सुर्खेत झर्न नपाएर समस्या सिर्जना भएको शुभकामना आधारभूत विद्यालय रह डोल्पाका प्रधानाध्यापक शेरबहादुर राउतले बताए ।
वर्षाले हवाई सेवा अवरुद्ध हुनुका साथै पैदल यात्रा पनि बाढी पहिरोका कारण जोखिमपूर्ण बने पछि शिक्षक सेवा आयोगमा सफल भएका शिक्षकहरु अन्तर्वार्ता दिन झर्नेहरु, एसइइ उत्तिर्ण भई कक्षा ११ मा भर्ना हुन झर्नेहरु, विभिन्न विकास योजनाको भूक्तानी लिन सुर्खेत झर्नेहरु लगायतका यात्रुहरुलाई निकै समस्या परेको जिल्ला समन्वय समिति डोल्पाका प्रमुख शेरबहादुर बुढाले बताए ।

अविरल वर्षाले विभिन्न खोला नालाहरुमा पानीको उच्च बहाव बढेको छ । पानीको वहाव उर्लेको भए पनि त्यसले शनिबार दिउँसोसम्म जिल्ला भरी शान्त रहेको प्रमुख जिल्ला अतिकारी मुकेशकुमार केसरीले जानकारी दिए । उनका अनुसार वर्षाले जिल्लाका विभिन्न खोलानालाहरुमा पानीको उच्च बहाव बढेको छ ।

जतिवेला पनि बाढीपहिरोले क्षति गर्न सक्छ । बाढीपहिरोबाट बच्न सबैलाई सचेत गराइएको छ । प्राकृतिक प्रकोपबाट बच्नका लागि बनाइएको प्रतिकार्य योजना अनुसार सूचना संकलन, बाढी पहिरो जान सक्ने अवस्थाको म्यापिङ् गर्ने, विपद जोखिम न्यूनीकरण गर्नका लागि सबैसँग सहयोग र सहकार्यका लागि आग्रह गर्ने काम भैरहेको प्रमुख जिल्ला अधिकारी केशरीले बताए । उनले थपे सम्पूर्ण सरकारी संयन्त्रलाई उच्च सतर्कतामा राखिएको छ ।

प्रकाशित : असार २८, २०७६ १३:३४
प्रतिक्रिया
पठाउनुहोस्

हराएको शिशु स्याङ्जाको मिर्मिबाट भेटियो

माधव अर्याल

पाल्पा — लुम्बिनी मेडिकल कलेजबाट शुक्रबार हराएको नवजात शिशु शनिबार भेटिएको छ । अस्पतालमा जन्मिएको चार घण्टामै गायव भएको शिशु स्याङ्जा जिल्लाको मिर्मीमा भेटिएको हो । प्रहरीले बच्चा र चोरी गर्ने महिलालाई शनिबार बिहान ८ बजे कोठाबाटै नियन्त्रणमा लिएको जनाएको छ । 

बच्चा सकुशल छ । अस्पतालबाट शिशु खोजी कार्यमा मिर्मिका स्थानीय र सञ्चारकर्मी जगदीश भटराई लगायतले प्रहरी प्रशासनलाई सघाएका हुन् । टोलीले स्थानीय र कालीगण्डकी ड्याम साइटका कर्मचारीहरुको सहयोग लिएको जनाएको छ । जिल्ला प्रहरी कार्यालय स्याङ्जा सम्पर्क गरी बच्चा राखेको ठाउँमा बच्चा र बच्चा चोर्ने ४५ वर्षकी विमकला पाण्डेलाई नियन्त्रणमा लिएको प्रहरीले पुष्टि गरेको छ ।

क्याम्पका सुरक्षाकर्मीहरुले रातभरी बच्चा रोएको र त्यहाँ कोही पनि सुत्केरी नभएको भन्ने आधारमा थप अनुसन्धान शुरु गरिएको थियो । महिला स्याङ्जा गल्याङ नगरपालिका-५, डुम्रीचौर स्थायी घर भएकी ४५ वर्षकी विमकला विगत एक दशक अघिदेखि कालीगण्डकी ए परियोजनाको ड्याम साईडको क्वाटरमा दैनिक ज्यालादारीमा सरसफाई गर्ने कर्मचारी हुन् ।

नवजात शिशु

सुत्केरी बेथा लागेर अस्पताल पुगेकी तानसेन नगरपालिका-९, डाँडागाउँ तिलाहारकी २२ वर्षीया जमुना रानाले शुक्रबार बिहान ११ बजे लुम्बिनी मेडिकल कलेजमा जन्म दिएकी हुन् । सुत्केरी रानासँगै उनकी आमा र श्रीमान् समेत साथमा थिए । बच्चाको खोजीमा अस्पताल आएकी विमकला पाण्डेले उनीहरुको सीधापन र अस्पतालका कर्मचारीहरुको चरम लापरवाहीको फाइदा उठाउँदै बच्चा चोर्न सफल भएकी हुन् । विमकलाले बच्चा चोरेपछि अस्पतालको गेटबाटै भाग्दै गर्दा कसैले पत्ता पाएनन् ।

प्रकाशित : असार २८, २०७६ १२:३५
पूरा पढ्नुहोस्
प्रतिक्रिया
पठाउनुहोस्