जनप्रतिनिधि तालिम–गोष्ठीमै व्यस्त

राजबहादुर शाही

मुगु — स्थानीय सरकारका जनप्रतिनिधि तालिम गोष्ठीमै व्यस्त बन्न थालेका छन् । जिल्ला तथा प्रदेश स्तरमा आयोजना हुने तालिम गोष्ठीका कारण सरकारी कामकाजसमेत प्रभावित हुन थालेको छ ।

तालिम गोष्ठीको बहानामा जनप्रतिनिधिले सदरमुकाम र प्रदेश राजधानी सुर्खेतमा समय बिताउन थालेपछि सेवाग्राहीको काम प्रभावित हुन थालेको हो ।

विभिन्न मन्क्रालय र सरकारी तथा गैरसरकारी निकायको कार्यत्रममा जनप्रतिनिधिले बढी समय दिन थालेका छन् । सुर्खेतमा एकै महिनामा आयोजना हुने तीन/चार वटा गोष्ठीमा जनप्रतिनिधिले सहभागिता जनाउने गरेका छन् । तालिम गोष्ठीको दौडधुपका कारण एकातिर सेवाग्राहीको काम प्रभावित भएको छ भने अर्कोतिर स्थानीय तहको आर्थिक व्ययभार थपिदै गइरहेको छ ।

प्रदेशस्तरीय सहकारीको गोष्ठी सकेर जिल्ला फर्किएको दुई साता नबित्दै सोरु गाउँपालिका अध्यक्ष लोकबहादुर शाही, खत्याडका अध्यक्ष उब्जन शाही र मुगम कार्मारोङका अध्यक्ष छिरिङक्याप्ने लामा प्रधानमन्क्री रोजगार कार्यत्रमको सम्झौता गर्न सुर्खेत झरेका छन् । लामा गाउँपालिकाको रोजगार कार्यक्रमको बाटो उद्घाटन गरेर मंगलबार सुर्खेत झरेका हुन् ।

कालाकाडा-गम्था अबरुद्ध सडक खुलाएर शाही पुनः सुर्खेत गएका हुन् । सोरु गाउँपालिका अध्यक्ष शाही दुई सातादेखि सुर्खेतमै छन् । स्थानीय सरकारका प्रमुख तथा उपप्रमुख पालोपालो विभिन्न गोष्ठीमा सहभागी हुन थालेपछि कर्मचारीसमेत फुर्सदिला बन्ने गरेका छन् ।

जिल्ला समन्वय अधिकारी मणीचन्द कार्कीले विभिन्न कार्यक्रमका कारण जनप्रतिनिधि बाहिर जाने क्रम बढेपछि त्यसको असर सेवाप्रवाहमा परेको बताए । उनका अनुसार स्थानीय तहमा जनप्रतिनिधि नबस्दा विकास निर्माणका कामसमेत प्रभावित भइरहेका छन् । ‘जनप्रतिनिधिकै कारण विभिन्न निर्णय गर्नुपर्ने काम रोकिएपछि कर्मचारीलाई पनि काम गर्न समस्या हुने गरेको छ,’ उनले भने, ‘अधिकांश निर्णय जनप्रतिनिधिले नै गर्नुपर्ने भएकाले स्थानीय तहमा नबस्दा काममा बाधा पुग्ने गरेको छ ।’

तालिम गोष्ठीमै समय बिताउँदा तेस्रो चौमासिकसम्म बजेट कार्यान्वयनको अवस्था न्यून देखिएको स्थानीयको गुनासो छ । जिल्लाबाट हवाइ मार्गमार्फत सुर्खेत आउजाउ गर्न प्रतिव्यक्ति दुईतर्फी भाडा १२ हजार रुपैयाँ छ । जिप रिजर्भ गर्दा कम्तिमा ३० हजार रुपैयाँ खर्च हुने गरेको जनप्रतिनिधि बताउँछन् । बिगत वर्षमा सरकारी अधिकारी सेवाग्राहीको काम छोडेर जिल्लाबाहिर गएजस्तै कामलाई जनप्रतिनिधिले निरन्तरता दिएको स्थानीयको गुनासो छ ।

जिल्ला र प्रदेशस्तरीय केही तालिम गोष्ठीमा जानैपर्ने बाध्यता भएको खत्याड गाउँपालिका अध्यक्ष शाहीले बताए । ‘काम छोडर तालिम गोष्ठीमा भाग लिन हामीलाई पनि रहर छैन,’ उनले भने, ‘कतिपय तालिम गोष्ठी महत्वपूर्ण हुने गरेकाले सहभागी हुने गरेका हौं ।’

प्रदेशस्तरका अधिकांश तालिम गोष्ठी रारामा गरिनुपर्छ भनेर माग गर्दै आइरहेको छायाँनाथरारा नगरपालिका उपप्रमुख सुन्तला रोकायाले बताइन । उनका अनुसार विभिन्न निकायले रारामा कार्यक्रम गर्दा होटेलको समस्या देखाउनेगरेका छन् ।

प्रकाशित : वैशाख २५, २०७६ १२:४८
प्रतिक्रिया
पठाउनुहोस्

अबको युग प्रविधिमैत्री

कान्तिपुर संवाददाता

स्याङ्जा — फेदीखोला गाउँपालिकाभित्रका २८ विद्यालय र ५ समुदायमा आधारित वाल विकास शिक्षकलाई गुणस्तर अभिवृद्धि तथा अभिमुखीकरण दिइएको छ  । गाउँपालिकाद्वारा आयोजित कार्यक्रमको उद्घाटन गर्दै शिक्षाविद् विद्यानाथ कोइरालाले अब परम्परागत तरिकाले शिक्षामा सुधार सम्भव नहुने बताए  ।

‘कर्मकाण्डी तबरले प्राध्यापन गर्नुहुन्छ भने म आग्रह गर्छु सेवाबाट अवकाश लिनुहोस्,’ कोइरालाले भने, ‘अबका युग प्रविधिमैत्री हुन । तपाईं उत्पादनले गुणस्तरीय नतिजा कुनै पनि हालतमा प्राप्त गर्न सक्दैनन् ।’ वर्तमान पुस्ताका विद्यार्थी सुचना प्रविधिमा अब्बल भएकाले शिक्षकले पनि आफ्नो स्तरीयता बढाउँदै लैजानुपर्ने उनको भनाइ थियो ।


विगतका वर्षहरूमा राजनीतिक दलले शिक्षकलाई झण्डा बोकाउन, आन्दोलनमा होमिन सिकाएको यथार्थ भएपनि अब त्यही स्थितीलाई नदोहोर्‍याउन आग्रह गर्दै उनले फेदीखोलाले निर्माण गरेको स्कुल म्यानेजमेन्ट सफ्टयरको उद्घाटन् गरे । सफ्टवेयर प्रणाली अत्यावश्यक रहेको बताउँदै उनले शिक्षकले छलछाम गर्ने बाटो समाप्त भएको बताए ।


गाउँपालिकामा रहेका सबै विद्यालयको तथ्यांक, विद्यार्थी रेकर्ड, विद्यार्थी प्रगति विवरण, शिक्षक प्रगति विवरण, शिक्षक हाजिरी, लेखा, लाइब्रेरीको विवरण सफ्टेरमा रहने छ भने हरेक अभिभावकलाई मोवाइल एप्स प्रदान गरिनेछ । कार्यक्रममा सकरात्मक सोचका अभियन्ता प्रितम पौडेलले हुन्न र सकिन्न भन्ने सोचाईलाई बदलेर हुन्छ र सक्छु भन्ने धारणालाई आत्मसाथ गर्नुपर्ने बताएका थिए । ‘देश कसले बिगारे नेताले, शिक्षा कसले बिगारे शिक्षकले, बच्चा कस्ले बिगारे अभिभावकले, हाम्रो दिमागमा नकरात्मकताको प्रवाह मात्र छ’ पौडेलले भने, ‘देश सुधार्ने पनि हामी नै हो, शिक्षा सुधार गर्ने पनि हामी नै हो, यसरी दायित्वबोध गरियो भने समृद्धि कुनै ठूलो कुरा होइन ।’


गाउँपालिका अध्यक्ष घनश्याम सुवेदीले गाउँपालिकाले विशेषत शिक्षा र स्वास्थ्यमा ठूलो लगानी गरेकाले गुणस्तरीयता र नतिजाउन्मुख हुन सबैले आफ्नो ठाउँबाट प्रयास गर्नुपर्ने बताए । शिक्षालाई प्राथमिकता दिँदै दुई बर्षको अवधिमा भर्ना अभियान, हरेक विद्यालयमा दक्ष आईटी शिक्षकको व्यवस्था, सोलार प्यानलको व्यवस्थापन, स्थानीय शिक्षा ऐन निर्माण, छात्राको सहजताको लागि सेनिटरी प्याड वितरण, हरेक विद्यालयमा विद्युतीय हाजिरीको व्यवस्था, इ–लाइब्रेरीको विस्तार गरिएको अध्यक्ष सुवेदीले जानकारी दिए ।


पुर्बधार बिकासमा प्रत्येक माबिमा कम्प्युटर ल्याबको ब्यबस्थापन गर्न ३५ लाख रकम बिनियोजन गरि त्यो बराबरको कम्प्युटर र अप्टिकल फाइबरको इन्टरनेट उपलब्ध गराएकोसमेत उनले जानकारी दिए । आर्थिक बर्ष ०७५/७६ बाट डिप्लोमा इन कम्प्युटर अध्ययन गराउन गाउँपालिकाको केन्द्रमा रहेको सिद्धार्थ माध्यामिक विद्यालयमा सिटीईभिटीबाट सम्बन्धन लिएको अध्यक्ष सुवेदीले जनाए ।


उनका अनुसार पूर्वाधार बिकासको लागि गाउँपालिकाले ३० लाख रकम विनियोजन गरी काम सम्पन्न भएको छ । यसै शैक्षिक सत्रबाट ४८ जनालाइ तीन वर्षे कोर्षमा पहिलो सेमेस्टरमा भर्ना लिइनेछ ।

प्रकाशित : वैशाख २५, २०७६ १२:४७
पूरा पढ्नुहोस्
प्रतिक्रिया
पठाउनुहोस्