कान्तिपुर वेबसाईट
AdvertisementAdvertisement
२०.१२°C काठमाडौं
काठमाडौंमा वायुको गुणस्तर: १५७

दुर्गमका महिलालाई आँगनमै सेवा

गाउँ पुगेको शिविरमा जिल्ला अस्पतालले ल्याब सेवा र सुनौलो परिवार नेपालले परिवार नियोजनका अस्थायी साधन उपलब्ध गरायो
हरि गौतम

रुकुम पश्चिम — आठबीसकोट नगरपालिका ३, की ३० वर्षीया देवी शाहीका पाच सन्तान छन् । आफैंले परिवार नियोजनका साधन अपनाउन सजिलै सेवा लिने ठाउँ नहुदा उनले नचाहेरै पनि पाँच सन्तान जन्माइन्  ।

दुर्गमका महिलालाई आँगनमै सेवा

अबचाहि उनी ढुक्क छिन्, घरनजिकै सञ्चालनमा आएको एकीकृत घुम्ती शिविरबाट चाहेको सेवा लिन पाइन्छ । यहीबाट उनले पाँचवर्षे परिवार नियोजनको अस्थायी साधन इम्पलान्ट लगाइन् । सोही नगरपालिका ४ की ४५ वर्षीया खिउरी विकका पनि सात सन्तान छन् । उनले पनि पा“च वर्षका लागि परिवार नियोजनको अस्थायी साधन इम्पलान्ट लगाएकी छन् ।


शाही र विकमात्र होइन, नगरपालिकाका ६ वडाका ३७ महिलाले पहिलोपल्ट परिवार नियोजनको अस्थायी साधन इम्पलान्ट राखेका छन् । दुई जनाले त आईयूसीडी राखे । यसको चा“जोपा“जो मिलाइदिएको हो, जिल्ला अस्पताल र सुनौलो परिवार नेपालले । आठबीसकोट नगरपालिकाको १, २ र ३ वडा र ४, ५ र ६ वडामा गरिएको घुम्ती शिविरमा जिल्ला अस्पतालले ल्याब सेवा प्रदान गर्‌यो ।

सुनौलो परिवार नेपालले भने परिवार नियोजनका अस्थायी साधन लगाइदिनेदेखि महिलाको स्वास्थ्य परीक्षण तथा परामर्श सेवासम्म दिएको थियो । सेवा लिएबापत महिलाले कुनै शुल्क तिर्नुपरेन । ‘हाम्रो नजिक हुने स्वास्थ्य संस्थामा अस्थायी भए पनि लामो समयसम्म राख्ने साधन पाउन मुस्किल हुन्छ,’ शाहीले भनिन्, ‘घरनजिकै आफैंलाई चाहिएको सेवा आएपछि मजस्तै धेरैले सेवा लियौं ।’ १, २, ३ को खदी र ४, ५ र ६ वडाको गोतामकोट चौतारामा दुई/दुई दिन शिविर गरिएको थियो । उक्त शिविरमा नागरिकता वितरण, फोटोसहितको मतदाता परिचयपत्र, कृषि तथा पशु सेवाको समेत सेवा प्रदान गरिएको थियो । सोही शिविरमा पुगेका स्वास्थ्यकर्मीले भने प्रयोगशाला सेवा र परिवार नियोजनको सेवा प्रदान गरे ।


यसबाट ग्रामीण क्षेत्रका महिलाका लागि ठूलो अवसर प्राप्त भएको विकले बताइन् । ‘शिविरमा ल्याइएका अरू सेवा पनि भए होलान्,’ उनले भनिन्, ‘हाम्रा लागि त परिवार नियोजन ठूलो सेवा भयो ।’ उनले घर नजिकै यस्तो सेवा पाइएकामा खुसी व्यक्त गरिन् । खदी र गोतामकोटको शिविरबाट दुई सय ८१ जनाले प्रयोगशाला सेवा लिएका छन् । जसमा ५० जनाका पिसाब परीक्षण गरिएको थियो । दुई सय ३१ जनाको सुगर परीक्षण गरिएको छ ।


दुवै ठाउँका सर्वसाधारण प्रयोगशाला परीक्षणका लागि आठबीसकोट झर्नुपर्ने बाध्यता छ । अरू सेवा गाउँगाउँ पुगे पनि स्वास्थ्यजस्तो संवेदनशील कुरालाई हरेक वर्ष गाउँ पुर्‌याउनुपर्ने महिलाले माग गरे । शिविरमा जिल्ला अस्पतालका ल्याब असिस्टेन्ट कपिल आचार्य, सुनौलो परिवार नेपालका भिजिटर प्रोभाइडर निर्मला बीसी र स्मृति जिएम खटिएका थिए । नजिक सेवा नपाउँदा दुर्गम क्षेत्रका महिला समस्यामा परेको पाइएको बीसीले बताइन् ।

दैनिक प्रयोग गरिने साधन प्रयोगमा झन्झट मान्ने र केही वर्षसम्मको अस्थायी साधन प्रयोग गर्न टाढा जानुपर्ने भएकाले समस्या भोग्नु परिरहेको उनको भनाइ छ । नजिक हुने स्वास्थ्य संस्थामा पनि तालिम प्राप्त स्वास्थ्यकर्मी नहुँदा महिलाले समस्या भोग्न बाध्य छन् । त्यसमध्ये पनि दलित समुदायका महिलाले बढी समस्या भोगिरहेको बीसीले बताइन् ।

प्रकाशित : वैशाख १०, २०७६ १२:०२
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?