कर्णाली प्रदेशः राष्ट्रपति रनिङ शिल्ड सुर्खेतलाई

रासस

सुर्खेत — यही जेठ १९–२१ गतेसम्म प्रदेश राजधानी वीरेन्द्रनगर सुर्खेतमा सञ्चालित कर्णाली प्रदेशस्तरीय १० औँ राष्ट्रपति रनिङ शिल्ड सुर्खेतले हात पारेको छ । 

उक्त रनिङ शिल्डमा जुम्ला दोस्रो र सल्यान तेस्रो भएका छन्। भलिबलमा पुरुषमा भने सल्यान जिल्ला प्रथम भएको छ। उक्त खेलमा रुकुम दोस्रो र सुर्खेतले तेस्रो स्थान हात पारेको कर्णाली प्रदेश खेलकुद प्रतियोगिता आयोजक समितिका संयोजक शान्ति सिंहले जानकारी दिए।

त्यसैगरी, महिला भलिबलमा सल्यान प्रथम, द्वितीय कालीकोट र तृतीय जुम्ला भएको संयोजकले बताए। भलिबल, कबडी, एथ्लेटिक्स, तेक्वान्दो, कराँते र उसु खेल समावेश गरिएको रनिङ शिल्डमा सबै खेल विधाको कूल अंकलाई जोड्दा सुर्खेत प्रथम आएको संयोजक सिंहले जानकारी दिए।

खेलमा प्रथम, द्वितीय र तृतीय आउने जिल्लालाई क्रमशः २० हजार, १५ हजार र १० हजार रुपैयाँ नगद पुरस्कार, ट्रफी तथा प्रमाणपत्र प्रदान गरिएको थियो। रनिङ शिल्डमा उत्कृष्ट खेल देखाउने विभिन्न खेल विधाबाट ८४ खेलाडीलाई यही जेठ २३–२५ सम्म काठमाडौँमा सञ्चालन हुने राष्ट्रिय खेलका लागि छनोट गरिएको प्रतियोगिता सञ्चालन समितिका सदस्य अर्जुनजंग शाहीले बताए।

उनका अनुसार खेलमा भाग लिएका कर्णाली प्रदेशका १० जिल्लाका ८४० जना खेलाडीले ३०४ पदकमा प्रतिष्पर्धा गरेका थिए ।

प्रकाशित : जेष्ठ २२, २०७५ ११:२१
प्रतिक्रिया
पठाउनुहोस्
ADVERTISEMENT
ADVERTISEMENT

नागरिकता लिन ४ दिन पैदल !

स्थानीयलाई नागरिकता लगायतका सरकारी सुबिधा प्रदान गर्न बेला बेलामा दुर्गम स्थानमा घुम्ती शिविर
राजबहादुर शाही

मुगु — यहाँको सोरु, खत्याड र मुगमकार्मारोङ गाउापालिकाबासीलाई नागरिकता लिन कम्तिमा दुई दिन हिडेर सदरमुकाम पुग्नुपर्ने बाध्यता छ ।

स्थानीयबासी एक दिन सदरमुकाममा बसेर सरकारी कामकाज गराएर फेरि दुई दिन पैदल हिडेर गाउँ पुग्छन् । सोरु गाउापालिकाको नेर र फोतुबाट गमगढी आउन ४ दिन लाग्ने गरेको स्थानीयको गुनासो छ ।

त्यस्तै, खत्याड गाउापालिकाको हयाङलुबाट सदरमुकाम पुग्न चार दिन तथा मुगमकार्मारोङ गाउापालिकाको मुगु र डोल्फु गाउाबाट पाँच दिनको पैदलयात्रा गर्नुपर्ने बाध्यता छ । बिकास निर्माण लगायतका काम र कारोवारको फस्र्यौट स्थानीय तहबाटै हुने भए पछि नागरिकता र राहदानी बनाउन सदरमुकाम पुग्नुपर्ने बाध्यता छ । वडा कार्यालयको सिफारिस लिएर स्थानीय नागरिकता बनाउन कम्तिमा एकतर्फी दुई दिनको यात्रा गर्छन् ।

सोरु गाउापालिकाको फोतु गाउाका प्रेम शाहीले नागरिकता बनाउन घरबाट दुई दिन हिडेर आइतवार साँझ सदरमुकाम गमगढी आएको बताए । पत्नीसहित नागरिकता बनाउन सरमुकाम आएका उनले सोमवार नागरिकता बनाए । गाउँ फर्कन शाही दम्पतीलाई थप दुई दिनको पैदल यात्रा गर्नुपर्ने बाध्यता छ । नागरिकता बनाएर घर पुग्दासम्म कम्तिमा चार हजार रुपैयाँ खर्च हुने उनले जनाए । ‘मुस्किलले दुई दिनमा सदरमुकाम पुगिन्छ,’ उनले भने,‘खर्च पनि धेरै हुने भएकाले अधिकांश स्थानीयबासीलाई सरकारी कामका लागि सदरमुकाम आउन समस्या छ ।’

सरकारले नागरिकताको अधिकार स्थानीय तहलाई नदिँदा स्थानीयबासी मारमा परेको खत्याड गाउापालिका अध्यक्ष उब्जन शाहीले बताए । सोरु गाउापालिकाको सोरुकोटमा इलाका प्रशासन कार्यालय स्थापना गरिएको भएपनि कर्मचारी नहुँदा स्थानीयलाई सदरमुकाम आउनुपर्ने बाध्यता छ । इलाका प्रशासनमा दुई वर्षदेखि कर्मचारी छैनन् । बृद्ध तथा अशक्तलाई समेत आफू र छोराछोरीको नागरिकता बनाउन सास्ती भोगेर सदरमुकाम आउनुपर्ने बाध्यता छ । स्थानीयका अनुसार कागज नमिलेमा फेरी गाउामै जानु पर्ने बाध्यता छ ।

स्थानीय तहलाई नागरिकता दिने अधिकार नभएकोले स्थानीयबासीलाई सदरमुकाममै आउनुपर्ने बाध्यता भएको निमित्त प्रमुख जिल्ला अधिकारी प्रदिपकुमार ढकालले बताए । स्थानीयलाई नागरिकता लगायतका सरकारी सुबिधा प्रदान गर्न बेला बेलामा दुर्गम स्थानमा घुम्ती शिविर सञ्चालन गरिएको उनले जनाए ।

प्रकाशित : जेष्ठ २२, २०७५ १०:२१
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
×