कर्णाली प्रदेशलाई ५ वर्षभित्र आत्मनिर्भर बनाइने

ज्योती कटुवाल

दैलेख — कर्णाली प्रदेशका आन्तरिक मामिला तथा कानून मन्त्री नरेश भण्डारीले कर्णाली प्रदेशलाई डिजिटल प्रदेशका रुपमा चिनाउन गुरुयोजना तय गरेको बताएका छन् । 

डिजिटल प्रदेश निमार्णका लागि गाउँगाउँमा जनचेतनामूलक कार्यक्रमको आवश्यकता रहेको बताउँदै मन्त्री भण्डारीले अबको ५ वर्षमा कर्णाली प्रदेश आत्मनिर्भर बनेर गरिबी हटाउने दाबी गरे।

यस्तै, मन्त्री भण्डारीले कर्णाली प्रदेशलाई सुरक्षित मार्गको रुपमा चिनाउने प्रतिबद्धता समेत जनाएका छन्। दैलेखमा रहेका पञ्चकोशी तीर्थस्थलको स्तरोन्नती गर्ने उनले बताए।

क्षेत्र नं २ (ख)का प्रदेशसभा सदस्य सुशील थापाले दैलेखमा हाइड्रोहबको सम्भावना रहेपनि प्रचारप्रसारको कमी भएको बताए।
सांसद थापाले ९ सय वाटको माथिल्लो कर्णाली जलविद्यूत आयोजनाको निर्माण कार्य भदौबाट सुरु नभए कडा कदम चाल्ने चेतावनी दिए।

प्रकाशित : फाल्गुन २२, २०७४ २०:३५
प्रतिक्रिया
पठाउनुहोस्

केसीलाई तीन दिनभित्र अदालतमा उपस्थित हुन आदेश 

कान्तिपुर संवाददाता

काठमाडौँ — सर्वोच्च अदालतले डा. गोविन्द केसीलाई तीन दिनभित्र स-शरीर सर्वोच्च अदालतमा उपस्थित हुन आदेश दिएको छ । अदालतको अवहेलना सम्बन्धि नयाँ दर्ता भएको मुद्दामा सर्वोच्चले केसीलाई अदालतमा उपस्थित हुन आदेश दिएको हो ।

गोविन्द बोहराले फागुन १६ गते दर्ता गरेको निवेदनको प्रारम्भिक सुनुवाई गर्दै प्रधानन्यायाधीश गोपाल पराजुलीको एकल इजलासले यो आदेश जारी गरेको हो । यो सहित डा. केसी विरुद्ध सर्वोच्च अदालतमा तीनवटा मुद्दा विचाराधीन छन् । केसीले विभिन्न समयमा प्रधानन्यायाधीश पराजुलीकाबारेमा दिएको अभिव्यक्तिले अदालतको अवहेलना भएको भन्दै कारबाहीको माग राखी निवेदन दर्ता भएको थियो ।

प्रकाशित : फाल्गुन २२, २०७४ २०:२४
पूरा पढ्नुहोस्
प्रतिक्रिया
पठाउनुहोस्