भत्कियो प्यूठान नगरपालिकाको कोशेली घर

९ लाख रुपैयाँ बजेट बिनियोजन गरेर उपभोक्ता समिति मार्फत काम गरिएको कोशेली घर भत्किएको छ ।

कोशेली घर निर्माण गर्दा कमशल सामानको प्रयोग भएकाले कोशेलीघर भत्किएको प्यूठान नगरपालिका वडा नं. ३ का वडाध्यक्ष सुमनराज श्रेष्ठले जानकारी दिए । ‘छाना छाउने समयमा त्यहाँ प्रयोग गरिएका सामाग्री कमशल भएकाले अहिलेको अवस्था आएको हो,’ उनले भने,‘थप बजेट बिनियोजन गरेर कोशेलीघरलाइ फेरि बनाउँछौँ ।’

प्यूठान नगरपालिका मार्फत अघिल्लो आर्थिक वर्ष २०७९/०८० मा बजेट विनियोजन गरेर कोशेलीघर निर्माणको काम भएको थियो । वडा अध्यक्ष श्रेष्ठका अनुसार कोशेलीघर निर्माणकै चरणमा रहेको थियो । उपभोक्ता समितिका अध्यक्ष मीनबहादुर कुँवर थिए ।