फरार अभियुक्त पक्राउ

श्रावण २०, २०८१

बर्दिया — चेक अनादर मुद्दामा जिल्ला अदालतबाट जरिवाना तोकेपछि फरार भएका अभियुक्तलाई प्रहरीले पक्राउ गरेको छ । गुलरिया बजारमा लुकीछिपी बसेका उनलाई आइतबार पक्राउ गरिएको प्रहरीले जनाएको हो ।

राजापुर नगरपालिका–१ सोनपुर चनौराका ४१ वर्षीय सुरेशराज भट्टलाई जिल्ला अदालत बर्दियाले ०८० पुस ९ को फैसला आदेशले २ हजार रुपैयाँ जरिवाना सुनाएको जिल्ला प्रहरी कार्यालयका सूचना अधिकारी एवं डीएसपी तुल्सीराम अर्यालले बताए ।