२१.१२°C काठमाडौं
परासी — पश्चिम नवलपरासीको सुनवलमा स्कुटर दुर्घटना हुँदा एक महिलाको मृत्यु भएको छ । पूर्व-पश्चिम राजमार्गअन्तर्गत सुनवल नगरपालिका-३ कीर्तिपुरमा लु ८१ प १४०८ नम्बरको स्कुटर आफैं अनियन्त्रित भएर सडकमा रहेको डिभाइडरमा ठक्कर खाँदा सो दुर्घटना भएको हो ।
जिल्ला प्रहरी कार्यालय पश्चिम नवलपरासीका अनुसार दुर्घटनामा सुनवल नगरपालिका-१ शान्तिटोलकी ४५ वर्षकी अम्बिका श्रेष्ठ घाइते भएकी हुन् । घाइते श्रेष्ठको देवदह क्लिनिक सुनवलमा सामान्य उपचारपश्चात् थप उपचारका लागि देवदह मेडिकल कलेज भलुही रुपन्देही लगेकामा उपचारका क्रममा बिहीबार उनको मृत्यु भएको हो ।
प्रकाशित : श्रावण १७, २०८१ १८:५२
