नवजात शिशु मृत अवस्थामा फेला
बाँके — बाँकेको नेपालगनजमा नवजात शिशु मृत अवस्थामा फेला परेको छ । नेपालगञ्ज उपमहानगरपालिका वडा नं. ११ स्थित टाँगा स्टेसन नजिकै नवजात शिशु मृत अवस्थामा फेला परेको बाँके प्रहरीले जनाएको छ ।
प्रहरीका अनुसार उक्त ६ माहिनाको गर्भको सालनालसहितको नवजात शिशु मंगलबार बेवारिसे अवस्थामा मृत फेला परेको हो ।
स्थानीयले दिएको जनकारीका आधारमा प्रहरी घटनास्थलमा पुगेको थियो । मृतक नवजात शिशुलाई सोमबार राति नै उक्त टाँगा स्टेसनमा फालिएको हुनसक्ने प्रहरीले अनुमान गरेको छ ।
नवजात शिशुको शवलाई पोष्ट मार्टमका लागि नेपालगनजको भेरी अस्पतालमा राखिएको छ ।
प्रकाशित : जेष्ठ २३, २०८० १९:०२प्रतिक्रिया