बाँकेमा बस र कार ठोक्किँदा दुई जनाको मृत्यु

पश्चिमबाट पूर्व जाँदै गरेको मे १ ख ३३३५ नम्बरको बस र पूर्वबाट पश्चिम जाँदै गरेको बा १३ च ८२५३ नम्बरको कार मंगलबार ठोक्किँदा कारमा सवार दुई जनको मृत्यु भएको हो ।

दुर्घटनामा कार चालक गोरखा जिल्लाका ३७ वर्षीय शुभाष अधिकारी र बुटवलकी ५४ वर्षीया सन्जु खाती खड्काको मृत्यु भएको जिल्ला ट्राफिक प्रहरी कार्यलय बाँकेका प्रमुख तिलक सुनारले बताए । मृतक खड्का प्रादेशिक अस्पताल सुर्खेतमा कार्यरत चिकित्सक हुन् ।

दुर्घटनापछि बस चालक प्रहरीको नियन्त्रणमा रहेका छन् । बसमा सवार ६ जनाको भने मेडिकल कलेज कोहलपुर अस्पतालमा उपचार भइरहेको छ ।