२६.१२°C काठमाडौं
बाँकेमा पेस्तोलसहित तीन पक्राउ
नेपालगन्ज — बाँके प्रहरीले पेस्तोलसहित तीन युवकलाई पक्राउ गरेको छ । नेपालगन्ज उपमहानगरपालिका वडा नं. १२ मा रहेको किङ क्रस क्लबबाट बर्दियाका सुमन रिजाललाई अटोमेटिक पेस्तोल र त्यसको एक राउण्ड गोलीसहित प्रहरीले पक्राउ गरेको हो ।
जिल्ला प्रहरी कार्यालय बाँकेका प्रहरी प्रवक्ता एवं डीएसपी रामबहादुर घर्तीमगरका अनुसार रिजालसहित पक्राउ पर्नेमा बाँके कोहलपुर नगरपालिकाका वडा नम्बर–९ का २९ वर्षीय धर्म पुनमगर, र बर्दिया गेरुवा गाउँपालिका वडा नम्बर ५ बस्ने ३२ वर्षीय सागर शाह छन् ।
डीएसपी घर्तीमगरले स्थानीय किङ क्रस क्लब डान्स बारमा मंगलबार राति झगडा भइरहेको सूचनाको आधारमा जिल्ला प्रहरी कार्यालय बाँकेबाट खटिएको टोलीले जाँच गर्ने क्रममा सोही क्लबको शौचालयमा लुकाइराखेको उक्त अटोमेटिक पेस्तोल र गोलीसहित उनीहरुलाई पक्राउ गरेको जानकारी दिए ।
घटनाबारे थप अनुसन्धान भइरहेको बाँके प्रहरीले जनाएको छ ।
प्रकाशित : वैशाख २७, २०८० २१:२४
