हिउँले सेताम्य जलजला
रोल्पा — केही दिनको वर्षापछि रोल्पाको अग्लो पहाड जलजलामा हिउँ परेको छ । गुराँस फुलेर रंगीचंगी देखिएको जलजला हिउँले झनै आकर्षक बनेको छ । पर्यटन अभियन्ता बाल्कुराम पुन आफैं जलजला पुगेका छन् ।
‘हिउँ खेल्न जलजला जानेहरूलाई मौसमले साथ दिएको छ,’ उनले भने, ‘जलजला र अर्को हिउँको पहाड कोठीभीरमा पुगेर हिउँ खेल्न लिबाङबाट हेलिटुरको प्याकेज तयार पारेका छौं ।’ गत वर्ष लिबाङबाट हेलिकप्टर चढेर आधा दर्जन उडानमा मानिसहरू जलजलासम्म पुगेका थिए ।
यसपटक झन् हिउँ बाक्लो परेकाले एक सातासम्म हेलिकप्टरबाट हिउँ खेल्न जलजला पुग्न चाहनेलाई पर्याप्त समय भएको उनले बताए । हिउँ खेल्ने मौका खोजिरहेकालाई फिस्टेल एअर कम्पनीसँगको समन्वयमा हेलिकप्टरबाट हिउँ खेल्न जान सकिने बताए ।
प्रकाशित : चैत्र ९, २०७९ ०८:३१प्रतिक्रिया
