दाङको जनता क्याम्पसमा सहमतिबाट स्ववियु नेतृत्व चयन

बुधबार ताला खोली सबै संगठनहरुले सहमतिका आधारमा विभिन्न पद बाँडफाँट गरी निर्वाचन समितिमा पेस गरेका कारण प्रक्रिया पुर्‍याइ निर्विरोध निर्वाचित गरिएको निर्वाचन अधिकृत श्रीराम थारुले जानकारी दिए ।

जसअनुसार अनेरास्ववियुका तर्फबाट स्ववियु अध्यक्षमा रितेश चौधरी र उपाध्यक्षमा बिमलराज बुढा चयन भएका छन् ।

सचिवमा नेविसंघबाट रमेशकुमार भट्टराई र कोषाध्यक्षमा अखिल क्रान्तिकारीबाट गोपाल कुमार बिक चयन भएका छन् ।

यस्तै सहसचिवमा नेविसंघका शिवहरी शर्मा निर्वाचित भएका छन् । सदस्यहरुमा अनेरास्ववियुका मुकेश अधिकारी, देवराज यादव, नमराज पौडेल तथा नेविसंघका तिलक रिजाल, पवन शर्मा र उद्धव पोख्रेल निर्वाचित भएको क्याम्पस प्रमुख योगराज शर्माले बताए ।