लिलाधर घिमिरे कलेजमा सभापतिसहित अधिकांश पदमा नेविसंघ विजयी

उक्त क्याम्पसमा पहिलोपटक स्वतन्त्र विद्यार्थी युनियन (स्ववियु) को निर्वाचन भएको हो । स्ववियुको सभापतिमा नेविसंघका अभिषेक कुमार यादव, सचिवमा मुकेश नाउ र कोषाध्यक्षमा विजयालक्ष्मी रानाभाट निर्वाचित भएका छन् ।

त्यस्तै सदस्यहरुमा निराजन मुराउ, सरिता मल्लाह, दिपेन्द्र थारु, आशिष जयसवाल र लक्ष्मी विक निर्वाचित भएको निर्वाचन अधिकृत ईन्द्र प्रसाद तिवारीले जानकारी दिए ।

निर्वाचित ८ जनामध्ये विक अनेरास्ववियुकी हुन् । अन्य सबै नेविसंघका हुन् । त्यस्तै ७ जना समानुपातिकमध्ये ५ जना नेविसंघका र २ जना अनेरास्ववियुका रहेको निर्वाचन अधिकृत तिवारीले जानकारी दिए । २ सय २ जना विद्यार्थी रहेको कलेजमा १ सय ६४ जनाले मतदान गरेका थिए ।