काठमाडौँ — यू–१६ उमेर समूहमा दोहोरो जित निकाल्दै एलआरआई क्वाटरफाइनल पुग्यो । एनआईसी एकेडेमीलाई २–१ गोलले पराजित गर्दा एलआरआईका रुपेश मगर र निक्सन निरौलाले गोल गरे । एनआईसीका अनिश जोशीले १ गोल फर्काए ।

अर्को खेलमा एलआरआईले विद्या संस्कारलाई ३–२ ले हरायो । विजेताका अंकित महर्जनले २ र विनायक भण्डारीले १ गोल गरे । संस्कारका आदित्य शाहले २ गोल गरे ।

यू–१२ मा संस्कृति र रेडियन्टले क्वाटरफाइनल यात्रा तय गरे । संस्कृतिले द चाँदबाग स्कुललाई ३–१ ले हरायो । संस्कृतिका सौरभकृष्ण मल्लले २ र सहज भण्डारीले १ गोल गरे । रेडियन्टले पनि चाँदबागलाई ५–२ को नतिजा निकाल्यो । रेडियन्टका सबै गोल रिडिज मोक्तानले गरे । चाँदबागका युभ्की गुरुङले १ गोल गरे भने एक गोल आत्मघाती थियो ।