रूपन्देहीमा रोकिरहेको ट्रकमा बस ठोक्किँदा एकको मृत्यु, २ जना घाइते
बुटवल — रोकिरहेको ट्रकमा बस ठोक्किँदा रुपन्देहीमा एक जनाको मृत्यु भएको छ भने २ जना घाइते भएका छन् ।
दुर्घटनामा परी तनहुँको भिमाद नगरपालिका– ५ का २१ वर्षीय हरिश तिवारीको मृत्यु जिल्ला प्रहरी कार्यालय रूपन्देहीले जनाएको छ । पश्चिम नवलपरासीका ३९ वर्षीय बासु घिमिरे र १६ वर्षीय दिपेश घिमिरे घाइते भएका छन् । मृत्यु हुने र घाइते हुने सबै बसका कर्मचारी हुन् ।
सिद्धार्थ राजमार्गको भैरहवास्थित अञ्चलपुरमा रहेको नेपाल आयल निगमको डिपो अगाडि रोकिरहेको ट्रकमा बस र निजी कार बिहान साढे ३ बजे एकआसपासमा ठोकिएका थिए । सडकमा रोकिराहेको लु २ ख ६०६ नम्बरको ट्रकमा लु २ ख ६०३८ नम्बरको बस र ग १ च ३७१३ नम्बरको निजी कार ठोक्किएका थिए ।
