कान्तिपुर वेबसाईट
AdvertisementAdvertisement
२४.१२°C काठमाडौं
काठमाडौंमा वायुको गुणस्तर: १३४

‘कोभिडकालमा पनि वडा र स्वास्थ्य चौकी जोड्ने संरचना निर्माण गर्‍यौं’

काठमाडौँ — संघीय संरचनाको पहिलो जनप्रतिनिधि र कोभिडकै कारण दुई वर्ष खेर गए पनि विभिन्न वडा र स्वास्थ्य चौकी जोड्ने पूर्वाधार निर्माणमा आफ्नो गाउँपालिका सफल भएको बगनासकाली गाउँपालिकाका अध्यक्ष सरस्वती दर्लामी चिदीले बताइन् ।

‘कोभिडकालमा पनि वडा र स्वास्थ्य चौकी जोड्ने संरचना निर्माण गर्‍यौं’

कान्तिपुर मिडिया ग्रुपले आयोजना गरेको लुम्बिनीको सामर्थ्यअन्तर्गत दोस्रो सत्र ‘पालिका र पूर्वाधार’ कार्यक्रममा बोल्दै उनले वडा र स्वास्थ्य चौकी अस्थायी/स्थायी बनाएर वडाहरू जोड्ने काम गरेको बताइन् ।

‘संघीय संरचनाको पहिलो निर्वाचनमा उपाध्क्ष भएको थिए । पहिलो संरचनाको जनप्रतिनिधि भएकाले सुरुमा अभ्यास र सिकाइमै बिताइयो । तीव्र गतिमा काम गर्नुपर्ने २ वर्ष कोभिडको व्यवस्थापनमै खर्चियौँ । सिंगो स्रोत‚ साधन र जनशक्ति कोभिड व्यवस्थापनमा खर्चियौँ,’ उनले भनिन्, ‘कोभिड सामान्य अवस्था भएपछि विकास निर्माणमा ध्यान दियौँ । विकास निर्माणका कामलाई तीव्र रुपमा सुचारु गर्‍यौं । स्वास्थ क्षेत्रका सेवा दिन सुरुआत गर्‍यौं ।’

पाँच वर्षको अवधिमा स्वास्थ क्षेत्रका अस्थायी/स्थाई बनाएर सेवा दिन आफूहरूले सुरु गरेको भन्दै उनले विभिन्न वडा र स्वास्थ्य चौकी जोड्ने पूर्वाधार निर्माण गरेर सेवा प्रवाह गरेको बताए ।

गाँउपालिका स्थापना भएपछि कार्यालय सञ्चालन गर्न संरचनासमेत नभएको उनले बताइन् । कर्मचारी व्यवस्थापन नभएको, व्यवस्थापन भएका कर्मचारीका लागि कुर्सी-टेबल राखेर पनि काम गर्ने वातावरण नभएको उनले बताइन् । यी सबै अप्ठ्याराका बीचमा पनि पूर्वाधार र संरचना बनाएर सेवा दिन गाउँपालिका सफल भएको उनको भनाइ थियो ।

प्रकाशित : माघ २१, २०७९ १३:०८
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?