बाँकेमा बुस्टर डोज लगाइने

स्वास्थ्य कार्यालय बाँकेका खोप सुपरभाइजर नरेश श्रेष्ठका अनुसार ५५ वर्षमाथिका व्यक्ति, १२ वर्षमाथिका दीर्घरोगी, गर्भवती महिला र स्वास्थ्यकर्मीलाई पहिलो चरणमा दोस्रो बुस्टर डोज लगाउने तयारी गरिएको हो ।

५५ वर्षमाथिका व्यक्तिको हकमा दोस्रो खोपका लागि पहिलो बुस्टर डोज लगाएको ६ महिना पुगेको हुनुपर्छ। स्वास्थ्य कार्यालयले जिल्लाका आठ वटै पालिकासँग उल्लेखित समूहको वडाको नामावली पठाइदिन अनुरोध गरेको छ।

बाँकेमा कोरोना विरुद्धमा पहिलो र दोस्रो खोप लगाएपछि बुस्टर डोज लगाइएको थियो।