वन पैदावार संघको अध्यक्षमा पुन: केसी निर्वाचित- लुम्बिनी - कान्तिपुर समाचार
कान्तिपुर वेबसाईट
AdvertisementAdvertisement

वन पैदावार संघको अध्यक्षमा पुन: केसी निर्वाचित

कमल पन्थी

बर्दिया — नेपाल वन पैदावार उद्योगी व्यवसायी संघको अध्यक्षमा पुनः कुबेर केसी निर्वाचित भएका छन् । आठौं साधरणसभा र छैटौं अधिवेशनले केसीको नेतृत्वमा सबै निर्विरोध निर्वाचित भएका छन् ।

संघको उपाध्यक्षमा फूलपाति चौधरी, सचिव नेत्रप्रसाद शर्मा, कोषाध्यक्षमा रामचन्द्र अर्याल निर्वाचित भएका हुन् ।

यसैगरी सदस्यमा श्यामलाल थारु, सुशीला राना भाट र निरंकार यादव निर्वाचित भएको संघका सचिव शर्माले जनाए ।

प्रकाशित : माघ १७, २०७९ १७:४५
प्रतिक्रिया
पठाउनुहोस्

बर्दियामा १५ जनामा कुष्ठरोग

कमल पन्थी

बर्दिया — बर्दियामा यस चालु आर्थिक वर्षमा १५ जना कुष्ठरोगी भेटिएका छन्  । जसमध्ये १४ वर्षमुनिका दुई जनामा कुष्ठरोग लागेको छ । गुलरिया नगरपालिका—१ मा एक र बढैयाताल गाउॅपालिका—८ मा एक गरि दुई जनामा कुष्ठ रोग लागेको छ ।

तीमध्ये पुरुष ९ र महिला ६ जना कुष्ठरोगका बिरामी रहेका छन्। आर्थिक वर्ष ०७८/०७९ मा ६३ जनाले उपचार गराएका थिए । विगतको तुलनामा कुष्ठरोगीको संख्या घटेपनि आर्थिक वर्ष असार सम्म यो संख्या बढ्न सक्ने अनुमान स्वास्थ्यकर्मीको रहेको छ । स्वास्थ्य कार्यालय, बर्दियाको आयोजनामा ७० औं विश्व कुष्ठरोग दिवसको अवसरमा आइतबार गुलरियामा आयोजित पत्रकारसँगको अन्तरक्रियामा बोल्दै जिल्ला स्वास्थ्य प्रमुख गोकर्ण गिरीले प्रतिशतको आधारमा कुष्ठरागीको संख्या जोखिम रहेको बताए । जिल्लामा १ दशमलव २३ प्रतिशत कुष्ठरोगी रहेको उनले जनाए ।

सरकारले कुष्ठरोगीका लागि निःशुल्क औषधि र यातायात खर्च उपलब्ध गराएको छ । समयमा उपचार नगरे अपाङ्गता हुने खतरा रहेको स्वास्थ्य अधिकृत कृष्णगोपाल चौधरीले बताए । ०६६ साल माघ ५ गते मुलुकभर कुष्ठरोग निवारण गरेको घोषणा गरेपनि तराई लगायत पहाडी जिल्लामा प्रकोपका दर उच्च रहेको छ । आव ०७८/०७९ मा नेपालमा २ हजार ३ सय ७३ जनामा कुष्ठ रोग लागेको थियो । छिमेकी मुलुक भारतका सीमावर्ती गाउॅबाट पनि कुष्ठरोग उपचारका लागि यहाँ आउने गरेका छन् ।

कुष्ठरोग एक सरुवा रोग भएकोले श्वासप्रश्वासको माध्यम्बाट सर्ने गर्छ । कुष्ठरोगका बिरामीले अवस्था हेरेर ६ महिना देखि १ वर्ष सम्म नियमित औषधि सेवन गर्नुपर्दछ । स्वास्थ्य अधिकृत चौधरीले सबै सरकारी स्वास्थ्य संस्थानमा कुष्ठरोगको उपचार र औषधी निःशुल्क रुपमा पाइने बताए ।

प्रकाशित : माघ १५, २०७९ १४:३४
पूरा पढ्नुहोस्
प्रतिक्रिया
पठाउनुहोस्
×