पाल्पामा छुट्टाछुट्टै घटनामा दुई युवकको मृत्यु

आइतबार बेलुकी रामपुर नगरपालिका-५, कान्जीहाउस नजिकै पक्की सडकमा लु १८ प ४९७० नम्बरको मोटरसाइकल दुर्घटना हुँदा रामपुर नरपालिका-२, गाडाकोटका २१ वर्षीय प्रदीप नेपालीको मृत्यु भएको जिल्ला प्रहरी कार्यालय पाल्पाले जनाएको छ । दुर्घटनामा परी गम्भीर घाइते भएका नेपालीको उपचारको क्रममा रामपुर अस्पतालमा मृत्यु भएको जिल्ला प्रहरी कार्यालय पाल्पाका प्रहरी नायब उपरीक्षक वीरेन्द्र थापाले जानकारी दिए । दुर्घटनाग्रस्त मोटरसाइकल सडकदेखि ५० मिटर तल खसेको प्रहरीले जनाएको छ ।

पाल्पाकै तिनाउ गाउँपालिका-३, भूतखोलामा खसेर २३ वर्षका अजिम पठानको मृत्यु भएको प्रहरीले जनाएको छ । सामुदायिक वनले भूतखोला बनाएको पर्यटकीय क्षेत्रमा फोटो खिच्ने क्रममा चिप्लिएर पोखरीमा खस्दा पश्चिम नवलपरासी पाल्हिनन्दन गाउँपालिका–२, बस्ने पठानको मृत्यु भएको हो ।