पाल्पाको केराबारीमा टिपर दुर्घटना : चालकको मृत्यु
पाल्पा — सिद्धार्थ राजमार्गअन्तर्गत पाल्पाको तिनाउ गाउँपालिका–४, केराबारीमा बिहीबार बिहान भएको टिपर दुर्घटनामा चालक सरोज न्यौपानेको मृत्यु भएको छ ।
पाल्पाबाट बुटवल जाँदै गरेको ना ८ ख ७९२४ नम्बरको टिपर दुर्घटनामा स्याङ्जाको गल्याङ नगरपालिका–१, मालुङगा राम्दीका २२ वर्षीय न्यौपानेको घटनास्थलमै मृत्यु भएको जिल्ला प्रहरी कार्यालय पालपका सूचना अधिकारी वीरेन्द्र थापाले जानकारी दिए ।
टिपर बुधबार राति १२ बजेतिर दुर्घटनामा परेको हो । रातिको समयमा खोजतलास गर्दा न्यौपाने नभेटिएपछि बिहान प्रहरीले तिनाउ खोला क्षेत्रमा खोजी गर्दा पानीमा डुबेको अवस्थामा मृत अवस्थामा फेला परेका थिए । दुर्घटनाग्रस्त टिपर सडकबाट १ हजार २ सय मिटर तल तिनाउ खोलामा खसेको छ ।
घटनाका सम्बन्धमा थप अनुसन्धान भइरहेको प्रहरीले जनाएको छ ।
प्रकाशित : माघ १२, २०७९ ०९:५१