२७.१२°C काठमाडौं
काठमाडौंमा वायुको गुणस्तर: १९६

पाल्पाको दोभानमा भालुको आक्रमणबाट एक जना घाइते

माधव अर्याल

पाल्पा — पाल्पाको तिनाउ गाउँपालिका–२, तीनहलेमा भालुको आक्रमणबाट स्थानीय देउबहादुर विक गम्भीर घाइते भएका छन् । तीनहलेस्थित आंपखोली सामुदायिक वन क्षेत्रमा घाँस काट्न गएका विकलाई भालुले आक्रमण गरेको दोभान प्रहरी चौकीले जनाएको छ । 

घाइते विकको टाउकोलगायत शरीरका विभिन्न भागमा चोट रहेको छ । देउबहादुर श्रीमतीसँग घाँस काट्न गएका थिए । स्थानीय बासिन्दा तथा तिनाउ गाउँपालिकाका पूर्ववडाध्यक्ष राजेश श्रेष्ठका अनुसार घाइते भएका विकलाई उपचारका लागि लुम्बिनी प्रादेशिक अस्पतालमा लगिएको छ । तीनहले जंगलको बीचमा रहेको बस्ती हो ।

यहाँ विपन्न परिवारका बस्ती छ । उपचारमा आर्थिक अभाव भएकाले सहयोगका लागि आग्रह गरेको पूर्ववडाध्यक्ष श्रेष्ठले बताए ।

प्रकाशित : माघ ११, २०७९ ०८:५०
प्रतिक्रिया
पठाउनुहोस्
जनताको राय

आन्दोलनका क्रममा सार्वजनिक सम्पत्तिमा क्षति पुर्‍याए सम्बन्धित पक्षबाट क्षतिपूर्ति भराउने गृहमन्त्रीको निर्णय कस्तो लाग्यो ?