व्यक्ति विशेषका लागि मात्र कानुन निमार्ण र संशोधन हुँदैन : मन्त्री प्रधान- लुम्बिनी - कान्तिपुर समाचार
कान्तिपुर वेबसाईट
AdvertisementAdvertisement

व्यक्ति विशेषका लागि मात्र कानुन निमार्ण र संशोधन हुँदैन : मन्त्री प्रधान

नवीन पौडेल

परासी — कानुन न्याय तथा संसदीय मामिलामन्त्री धुव्रबहादुर प्रधानले कुनै एक व्यक्ति वा संस्थाको लागि मात्र लक्षित गरेर कानुन निमार्ण र संशोधन नहुने बताएका छन् ।

मन्त्री बनेपछि गृह जिल्ला पश्चिम नवलपरासी आएका मन्त्रीले रेडियो परासीले आयोजना गरेको पत्रकार सम्मेलन तथा सम्मान कार्यक्रममा बोल्दै यस्तो बताएका हुन् । 'नागरिक उन्मुक्ति पार्टीका संरक्षक रेशम चौधरीलाई रिहा गर्नका लागि सत्ता साझेदार दलहरुबीच सहमति भएको हो ?' भन्ने पत्रकारको प्रश्नमा मन्त्री प्रधानले सर्वदलीय सहमति र जनताले न्याय र कानुनी शासनको अनुभूति गर्ने गरी नयाँ कानुन र नीतिगत योजना तर्जुमा हुने बताए । तर कुनै व्यक्तिलाई मात्र लक्षित गरेर कानुनको तर्जुमा नहुने बताए ।

पत्रकारहरुको जिज्ञासामा प्रधानले मुलुकमा सुशासन, दण्डहिनताको अन्त्य र कतिपय विकास निमार्णको काममा समेत अहिले मौजुदा रहेको कानुन अपुरो र समय सार्न्दभिक नभएको भन्दै विज्ञसहितको अनुसन्धान र अध्ययनपछि नागरिक र सुशासन मैत्री कानुन निमार्णको काम सुरु हुने बताए ।

प्रकाशित : माघ १०, २०७९ ११:४९
प्रतिक्रिया
पठाउनुहोस्

रूकुममा विद्युत् सेवा अवरूद्ध 

महेश केसी

रूकुम पूर्व — रूकुम पूर्व र पश्चिममा मंगलबार बिहानैदेखि विद्युत् सेवा अवरूद्व भएको छ । बिहानैदेखि मौसम प्रतिकूल हुँदा चिसो बढेको छ भने बिजुली नहुँदा मुस्किल परेको मुसीकोटका बालकृष्ण दाहालले बताए ।

केन्द्रीय प्रसारण लाइन पुगेका रूकुम पूर्व र पश्चिममा विभिन्न भागमा बिहानैदेखि बिजुली छैन ।

तुलसीपुरबाट ल्याइएको ३३ केभीए लाइनमा समस्या आएको र मर्मत भइरहेको विद्युत् प्रधिकरण रूकुम पश्चिम वितरण केन्द्रका प्राविधक सुनील बीएमले जानकारी दिए । उनका अनुसार यस खण्डमा मर्मतको काम भइरहेको र जाजरकोट र्फबाट वैकल्पिक व्यवस्था गरेर सञ्चालन गर्ने प्रयास भइरहेको जनाइएको छ ।

प्रकाशित : माघ १०, २०७९ ११:३०
पूरा पढ्नुहोस्
प्रतिक्रिया
पठाउनुहोस्
×