बर्दियामा फरार अभियोगी पक्राउ- लुम्बिनी - कान्तिपुर समाचार

बर्दियामा फरार अभियोगी पक्राउ

कमल पन्थी

बर्दिया — अवैधरुपमा काठ ओसारपसारको अभियोगमा जरिवाना सजाय तोकिएका एक फरार अभियोगी बुधबार पक्राउ परेका छन् । जिल्ला अदालत बर्दियाको गत जेठ ११ गतेको आदेशपछि फरार बारबर्दिया नगरपालिका—९ का सुरेशराज चौधरीलाई ईलाका प्रहरी कार्यालय बनियाभारको टोलीले पक्राउ गरेको प्रहरी निरीक्षक हृदेश सापकोटाले बताए ।

उनीमाथि दुई वटा छुट्टाछुट्टै मुद्दामा १ लाख १९ हजार ३ सय ५ र १ लाख ७५ हजार ८ सय ३२ गरी जम्मा २ लाख ९५ हजार १ सय ३७ रुपैयाँ जरिवाना अदालतले तोकेको प्रहरी निरीक्षक सापकोटाले जनाए ।

चौधरीलाई बर्दिया जिल्ला अदालतलाई बुझाइएको छ ।


प्रकाशित : माघ ४, २०७९ २०:३६
प्रतिक्रिया
पठाउनुहोस्

बैंकिङ कसुरमा पक्राउ

कमल पन्थी

बर्दिया — उच्च अदालत पाटनको ०७६ साल फागुन १२ गतेको आदेशले बैंकिङ कसुर मुद्दामा फरार रहेका राजापुर नगरपालिका—८ का धर्मराज जैसीलाई प्रहरीले पक्राउ गरेको छ ।

१२ लाख ९९ हजार ७ सय जरिवाना सजाय तोकिएका जैसीलाई इलाका प्रहरी कार्यालय, पाताभारले मंगलबार बेलुका पक्राउ गरेको प्रहरी निरीक्षक हृदयेश सापकोटाले बताए ।

लुकीछिपी अवस्थामा बसेका जैसीलाई अदालतको आदेशले कारागार चलान गरिएको उनले बताए । जरिवाना तिर्न नसक्दा जरिवाना वापत कैद भुक्तानको लागि उनलाई कारागार पठाएको बताइएको छ ।

प्रकाशित : पुस २६, २०७९ २१:२७
पूरा पढ्नुहोस्
प्रतिक्रिया
पठाउनुहोस्
×