कान्तिपुर वेबसाईट
AdvertisementAdvertisement
२७.१२°C काठमाडौं
काठमाडौंमा वायुको गुणस्तर: १६६

दाङमा मोटरसाइकल दुर्घटनामा एकको मृत्यु, दुई घाइते

दुर्गालाल केसी

दाङ — घोराहीमा मोटरसाइकल दुर्घटना हुँदा एक जनाको मृत्यु भएको छ भने दुई जना घाइते छन् । घोराही उपमहानगरपालिका-११ अवलडाँडामा बुधबार राति रा ४ प ६०५१ नम्बरको मोटरसाइकल अनियन्त्रित भई पल्टिँदा १ जनाको मृत्यु भएको र २ जना सख्त घाइते भएको जिल्ला प्रहरी प्रवक्ता डिएसपी राजनकुमार गौतमले बताए ।

दुर्घटनामा गम्भीर घाइते मोटरसाइकलमा सवार घोराही-१० जलौराका १८ वर्षीय सरोज चौधरीको राप्ती स्वास्थ्य विज्ञान प्रतिष्ठान घोराहीमा उपचारको क्रममा बिहीबार मृत्यु भएको उनले जानकारी दिए ।

दुर्घटनामा मोटरसाइकल चालक सोही ठाउँ बस्ने १९ वर्षीय मंगल चौधरी र मोटरसाइकलमा सवार २३ वर्षीय ऋषिराज चौधरी सख्त घाइते भएका छन् । घाइते दुवै जनाको राप्ती स्वास्थ्य विज्ञान प्रतिष्ठान घोराहीमा सामान्य उपचारपश्चात् थप उपचारका लागि भैरहवा रिफर गरिएको गौतमले जानकारी दिए ।

प्रकाशित : पुस २८, २०७९ १८:४५
प्रतिक्रिया
पठाउनुहोस्
जनताको राय

स्वयंसेवी संस्था स्काउटको स्वामित्वमा रहेको सार्वजनिक जग्गा कब्जा गरी वर्षौंदेखि भाडामा लगाउने कांग्रेसका सांसद दीपक खड्कालाई अब के गर्नुपर्छ ?