भीरबाट खसेर एक जनाको मृत्यु

मृतक पुन नेपाल कम्युनिस्ट पार्टी (नेकपा) निकट जन कलाकार थिए। स्थानीय कालीबाङबाट नजिकै पर्ने अर्को गाउँमा बिजुलीको लाइन लैजान तार तान्ने क्रममा कालीबाङको बाटोबाट करिब २० मिटर मुनि खसेर उनको ज्यान गएको हो। घटनास्थल पुगेका प्रहरी वरिष्ठ नायब निरीक्षक सूर्यलाल गुरुङसहितको टोलीले उद्धार प्रयास गरेको थियो।

उनी लामो समय कलाकारितामा लागेका थिए। उनी तत्कालीन माओवादी युद्धमा संलग्न थिए। सुरुमा माओवादी केन्द्रमा आवद्ध उनी हाल नेत्रविक्रम चन्द नेतृत्वको कलाकार संघको लुम्बिनी प्रदेश समितिमा कार्यरत थिए।

उनको शव पोस्टमार्टमका लागि रोल्पा अस्पताल लिवाङ रेउघामा ल्याइएको छ। दुर्घटनामा परी उनको दुखद् निधन भएको चन्द नेतृत्वको नेकपाका वैकल्पिक केन्द्रीय सदस्य सन्तोष सुवेदीले बताए। उनले पोस्टमार्टम गर्न पार्टीले सहयोग गरेको बताइएको छ।