कान्तिपुर वेबसाईट
AdvertisementAdvertisement
२८.१२°C काठमाडौं
काठमाडौंमा वायुको गुणस्तर: १३७

वार्षिक ५ सय रुपैयाँभन्दा बढी कर बुझाउनेलाई निःशुल्क इन्डक्सन चुल्हो

शमशेरविक्रम जीसी

प्यूठान — प्यूठान नगरपालिकाले नगरपालिकाभित्रका करदातालाई इन्डक्सन चुल्हो वितरण गरेको छ । नगरपालिकालाई वार्षिक ५ सय रुपैयाँभन्दा बढी कर बुझाउने करदातालाई नगरपालिकाले निःशुल्क इन्डक्सन चुल्हो वितरण गरेको नगरपालिकाका उपमेयर देवेन्द्र बर्माले बताए ।

वार्षिक ५ सय रुपैयाँभन्दा बढी कर बुझाउनेलाई निःशुल्क इन्डक्सन चुल्हो

करदाताको सम्मान, ग्यास सिलिन्डरमा कमी ल्याउन र देशभित्र उत्पादन भइरहेको विद्युत्को खपत बढाउन नगरपालिकाले इन्डक्सन चुल्हो वितरण गरेको बर्माले बताए । नगरपालिकाभित्रका करिब १४ सय जनालाई निःशुल्क चुल्हो वितरण गरिने नगरपालिकाले जनाएको छ ।

२०७८/०७९मा बुझाएको करको तथ्यांकका आधारमा चुल्हो वितरण गरिएको हो । वैकल्पिक ऊर्जा प्रवर्द्धन केन्द्र र प्यूठान नगरपालिकाको साझेदारीमा चुल्हो खरिद गरेर वितरण गरिएको बर्माले बताए । इन्डक्सन चुल्हो वितरणका लागि नगरपालिकाले करिब ७ लाख रुपैयाँ बजेट विनियोजन गरेको छ ।

प्रकाशित : मंसिर २६, २०७९ १५:४८
प्रतिक्रिया
पठाउनुहोस्
जनताको राय

१० प्रतिशत अग्रिम आयकरको व्यवस्थाले खाद्यान्न आयात बन्द भइ कालोबजारी सुरु भएकोमा के भन्नुहुन्छ ?