लागूऔषधसहित सीमा क्षेत्रबाट दुई जना पक्राउ

सशस्त्र प्रहरी बल फुटाहाका सशस्त्र सहायक निरीक्षक दुर्गा ढुंगानाको कमाण्डमा खटिएको टोलीले एक महिलासहित दुई जनालाई जाँच गर्दा उनीहरूबाट उक्त मात्रामा ब्राउन सुगर बरामद गरेको छ ।

पक्राउ पर्नेमा सुर्खेत वीरेन्द्रनगर नगरपालिका - २ बस्ने दीपेन्द्र बुढा र सोही नगरपालिका- ९ लाटीकोइलीकी २२ वर्षीया कृपा बोहोरा रहेको सशस्त्र सहायक निरीक्षक ढुंगानाले जनाए ।

भारतको बलैगाउँ हुँदै फुटाहा आइरहेको भे ५ प ६२०२ नम्बरको मोटसाइकल जाँच गर्दा लागूऔषध फेला परेको सशस्त्र प्रहरीले जनाएको छ । सशस्त्र प्रहरी बलले २ हजार ७ सय ६० रुपैयाँ नगद र दुई थान मोबाइल पनि उनीहरूबाट बरामद गरेको छ । बरामद गरेको लागूऔषध, मोटरसाइल, मोबाइल र नगद रकमसहित उनीहरूलाई कारबाहीका लागि इलाका प्रहरी कार्यालय, मैनापोखर पठाएको सशस्त्र प्रहरी बल ३१ नम्बर गणले जनाएको छ ।