सडक क्षेत्रका अनधिकृत संरचना हटाउन सूचना
लुम्बिनी — रुपन्देहीको रोहिणी गाउंपालिकाले सडक क्षेत्रका अनधिकृत संरचना तथा मालवस्तु हटाउन सात दिने सूचना सार्वजनिक गरेको छ ।
कार्यपालिका बैठकको निर्णयपश्चात सूचना जारी गर्दै गाउँपालिका क्षेत्रभित्रका सडक क्षेत्रमा विभिन्न किसिमका मालवस्तु राख्ने, सडक अतिक्रमण गरी संरचना बनाउने गरेको पाइएकाले आफ्ना मालवस्तु हटाउन समय दिइएको प्रमुख प्रशासकीय अधिकृत श्रीप्रसाद गौतमले बताए ।
गाउँकार्यपालिकाको २०७९ मंसिर १४ गते बैठकमा निर्णय भएकाले सूचना जारी भएको मितिले ७ दिनभित्र यस्ता मालवस्तु तथा अतिक्रमण गरी बनाइएको संरचना हटाउन गाउँपालिकाले आग्रह गरेको छ ।
प्रकाशित : मंसिर १६, २०७९ १३:२६