कान्तिपुर वेबसाईट
AdvertisementAdvertisement
२५.१२°C काठमाडौं
काठमाडौंमा वायुको गुणस्तर: १९६

पाल्पा उद्योग वाणिज्य संघमा भट्टराई

पाल्पा — उद्योग वाणिज्य संघ पाल्पाको अध्यक्षमा शैलेन्द्र भट्टराई निर्वाचित भएका छन् । सोमबार सम्पन्न निर्वाचनमा भट्टराईले ६ सय ४१ मत प्राप्त गर्दा निकटतम प्रतिद्वन्द्वी राजीव श्रेष्ठले २ सय १ मत पाए । कुल १ हजार ५५ सदस्य रहेको पाल्पा उद्योग वाणिज्य संघमा ८ सय ४५ मत खसेको थियो । तीन मत बदर भएको निर्वाचन अधिकृत टंकप्रसाद भट्टराईले बताए । 

पाल्पा उद्योग वाणिज्य संघमा भट्टराई

अध्यक्षमा निर्वाचित भट्टराईसँग यसअघि सदस्य, महासचिव र उपाध्यक्ष भएर काम गरेको अनुभव छ । उनी १५ वर्षदेखि निरन्तर उद्योग वाणिज्य संघमा कार्यरत छन् । प्रतिस्पर्धी श्रेष्ठ निवर्तमान कोषाध्यक्ष हुन् ।

संघको उद्योग उपाध्यक्षमा उत्तमकुमार बज्राचार्य १ सय ७ मत ल्याएर निर्वाचित भएका छन् । उनका निकटतम प्रतिस्पर्धी रमेशराज वज्राचार्य ४० मत पाए । संघको वाणिज्य उपाध्यक्षमा भीमबहादुर श्रेष्ठ निर्विरोध भएका छन् । सोमबार भएको क्षेत्र नम्बर ११ को निर्वाचनबाट सदस्यमा कमल पाण्डे र लक्ष्मण बस्याल विजयी भए । यस क्षेत्रमा पाण्डेले ३३ र बस्यालले ३२ मत पाए । प्रतिस्पर्धी हलिम दिन मियाले २५ मत प्राप्त गरे । ५ मत बदर भयो ।

संघको अध्यक्ष, उद्योग उपाध्यक्ष, क्षेत्र ११ को सदस्यमा सहमति हुन नसकेपछि निर्वाचन भएको हो । यस्तै क्षेत्र २ को सदस्यमा संजयकुमार श्रेष्ठ, क्षेत्र ३ मा खुमप्रसाद पोखरेल, क्षेत्र ४ को दुई सदस्यमा नारायण पछाई र मञ्जु रेग्मी, क्षेत्र ५ मा विनायक महर्जन र किशोरदर्शन बज्राचार्य निर्विरोध भएका छन् ।

क्षेत्र ६ मा लक्ष्मणप्रसाद रेग्मी र अमनप्रसाद श्रेष्ठ, क्षेत्र ७ मा सविन मल्ल र महेश शर्मा आचार्य निर्विरोध भए । क्षेत्र ८ मा रञ्जनाकुमारी थापा अर्याल, प्रज्वलराज शाक्य, क्षेत्र ९ मा समिरमान सिंह, क्षेत्र १० मा विदुर घिमिरे र सुरेश गोदार निर्विरोध भए । क्षेत्र १२ मा दीपक घिमिरे र मुक्तिराम जीसी र क्षेत्र १३ मा समता मियाँ निर्विरोध भएका छन् ।

प्रकाशित : मंसिर १४, २०७९ ०८:१२
प्रतिक्रिया
पठाउनुहोस्
जनताको राय

चालु वर्षको ९ महिनामा वार्षिक लक्ष्यको ३२.२४ प्रतिशत मात्र विकास खर्च हुनुको अर्थ के हो ?