लागूऔषधसहित बर्दियाबाट दुई जना पक्राउ

मंसिर १३, २०७९कमल पन्थी

बर्दिया — प्रहरीले लागूऔषध ब्राउन सुगरसहित दुई जनालाई पक्राउ गरेको छ । बढैयाताल गाउँपालिका—७ कर्णालीपुरस्थित लागूऔषधको कारोबार भइरहेको सूचनाका आधारमा उनहरुलाई पक्राउ गरिएको हो ।

सीमावर्ती भारतबाट लुकाइछिपाइ ल्याएको ३ ग्राम १ सय ९० मिलिग्राम ब्राउन सुगरसहित मधुवन नगरपालिका—८ का गणेश चौधरी र कृष्ण थारुलाई जाँचका क्रममा पक्राउ गरिएको जिल्ला प्रहरी कार्यालयका सूचना अधिकारी एंव डीएसपी हिक्मतबहादुर बोहोराले जनाए । उनीहरूलाई नियन्त्रणमा लिई लागूऔषध कारोबारमा मुद्दा चलाइएको डीएसपी बोहोराले बताए ।