पाल्पा २ (१) मा कांग्रेसका राना विजयी - लुम्बिनी - कान्तिपुर समाचार

पाल्पा २ (१) मा कांग्रेसका राना विजयी 

माधव अर्याल

पाल्पा — पाल्पा प्रदेशसभा निर्वाचन क्षेत्र नं.२ (१) मा नेपाली कांग्रेसका वीरबहादुर राना विजयी भएका छन् । बगनासकाली गाउँपालिका–१, चिर्तुङधारा मतगणना हुँदा देखि नै राना अग्रस्थानमा थिए ।

मुख्य निर्वाचन अधिकृतको कार्यालय तानसेनले सार्वजनिक गरेको मत परिणामअनुसार १६ हजार ३९ मत प्राप्त गरेर विजयी भएका हुन् ।

प्राप्त मत परिणामअनुसार रानाले २ हजार ७५ मतान्तरमा विजयी भएका हुन् । उनका प्रतिद्वन्द्वी नेकपा एमालेका परशुराम भट्टराईले १३ हजार ९ सय ६४ मत ल्याए । राना लुम्बिनी प्रदेशका उर्जा, जलस्रोत तथा सिँचाई मन्त्रीसमेत हुन् । रानाको बगनासकालीका नौ वडा र तानसेनका १३ वडा साथै माथागढी गाउँपालिकाको चिदिपानी हो ।

मन्त्री रानालाई सुरुदेखिको अग्रताले विजयी बनाएको हो । राना नेपाली कांग्रेस पाल्पाको २०६७ सालदेखि दुई कार्यकाल पार्टी सभापति थिए । पाल्पाको वगनासकाली–७, खानीगाउँमा जन्मिएका राना२०७० सालको संविधानसभाको दोश्रो निर्वाचनमा प्रतिनिधिसभामा तत्कालिन क्षेत्र नम्बर २ झिनो मतबाट उपविजेता थिए । उनी २०७४ सालको प्रदेशसभा निर्वाचनमा नेपाली कांग्रेसको तर्फबाट लुम्बिनी प्रदेश समानुपातिक सांसद बनेका थिए ।

प्रदेशसभामा मंगोल नेशनल अर्गनाइजेसनका लक्ष्मण गाहाले १ हजार ५ सय ९७, राष्ट्रिय प्रजातन्त्र पार्टीका राजु गैरेले १ हजार ५ सय २० मत प्राप्त गरेका छन् । यस्तै घर चिन्हमा ३ सय ५१, छातामा १ सय ६३ र मादल चिन्हमा ७७ मत खसेको छ ।

प्रकाशित : मंसिर ८, २०७९ ०१:०७
प्रतिक्रिया
पठाउनुहोस्

कोस्टारिकाको पोस्टमा स्पेनको ७ गोल

राजु घिसिङ

दोहा — बार्सिलोनाका १८ वर्षीय मिडफिल्डर गावीको उत्कृष्ट प्रदर्शनको सहयोगमा स्पेनले कोस्टारिकालाई ७–० ले हराएर बुधबार विश्वकप २०२२ मा उत्कृष्ट सुरुआत गरेको छ ।

अल थुमामा रंगशालामा गावीको भली लोभलाग्दो रह्यो र उनले ७४ औं मिनेटमा गोल पनि गरे । स्पेनले आकर्षक पास खेल्दै निक्कै उच्चस्तरको फुटबल प्रदर्शन गऱ्यो । युवा र युरो २०२० को सेमिफाइनल पुगेको टिमका खेलाडीले भरिएको स्पेनी टिमको छोटो पास र सटिक आक्रामणसामु कोस्टारिका निरिह रह्यो । स्पेनको सात गोलमा सबभन्दा उत्कृष्ट गावीकै रह्यो । उनी ब्राजिली लिजेन्ड पेलेपछि विश्वकपमा गोल गर्ने दोस्रो कान्छो खेलाडी भए ।

सन् २०१० को विश्वकप विजेता स्पेनको फराकिलो जितमा ड्यानी ओल्मोले ११ औं मिनेटमै गोलको खाता खोलेका थिए । मार्को एसेन्सियोले २१ औं मिनेटमा अग्रता दोब्बर बनाए । फेरान टोरेसले दुई गोल गरे । उनले ३१ औं मिनेटमा पेनाल्टीमार्फत आफ्नो पहिलो गोल गरे भने दोस्रो गोल ५४ औं मिनेटमा गरे । त्यसपछि गावीको निक्कै नै उत्कृष्ट गोल निस्कियो । कार्लोस सोरेसले ९० र अल्बारो मोराटाले इन्जुरी समयमा गोल गरेपछि स्पेनको ७–० को जित सम्भव भयो ।

यसअघि समूह ई को अर्को खेलमा जापानले एक गोलले पछाडि परेको स्थिति उल्टाउँदै चारपल्टको विश्वकप विजेता जर्मनीलाई खलिफा रंगशालामा २–१ ले हराएको थियो ।

प्रकाशित : मंसिर ८, २०७९ ००:५८
पूरा पढ्नुहोस्
प्रतिक्रिया
पठाउनुहोस्
×