कान्तिपुर वेबसाईट
AdvertisementAdvertisement
१६.१२°C काठमाडौं
काठमाडौंमा वायुको गुणस्तर: १६०

पाल्पाका मतदात अधिकृत र सहायकलाई प्रशिक्षण 

माधव अर्याल

पाल्पा — पाल्पामा प्रतिनिधिसभा र प्रदेशसभा सदस्य निर्वाचनमा खटाइएका मतदान अधिकृत र सहायक मतदान अधिकृतलाई शुक्रबार र शनिबार प्रशिक्षण दिइएको छ । शुक्रबार क्षेत्र १ मा र शनिबार क्षेत्र २ मा खटिने अधिकृतलाई तालिम दिइएको हो ।

पाल्पाका मतदात अधिकृत र सहायकलाई प्रशिक्षण 

जिल्ला निर्वाचन कार्यालय र मुख्य निर्वाचन अधिकृतको कार्यालयले उनीहरुलाई तालिम दिएको हो । प्रतिनिधिसभामा दुई र प्रदेशसभा चार निर्वाचन क्षेत्र रहेको पाल्पामा १ सय १८ मतदान केन्द्रका २ सय ४६ मतदानस्थलमा खटिने अधिकृतलाई मत खसाल्नेदेखि हुलदंगा भएमा के गर्नेसम्मको प्रशिक्षण दिइएको जिल्ला निर्वाचन अधिकारी रुक्मांगत अर्यालले जानकारी दिए । सोही अवसरमा नमुना मतदान गरेर बुथ निर्माणका विषयमा जानकारी गराइएको उनले बताए ।

निर्वाचन कार्यालयले ४ सय ९६ कर्मचारीलाई सुरक्षित वातावरणमा मतदान प्रक्रिया सम्पन्न गर्ने गरी तालिम दिएको अर्यालले जानकारी दिए । प्रशिक्षणमा प्रत्यक्षतर्फका र समानुपातिक उम्मेदवारका लागि मतदान गर्ने तरिका, मतपत्र लिने, स्वस्तिक छाप लगाउन्, पट्याउने, मसी लगाउने, नाम रुजु गर्ने, दोहोर्‍याएर मत हाल्न आएमा अपनाउनुपर्ने तरिका लगायतका विषयमा सिकाइएको थियो ।

मतदाताले गोप्य मतदान गर्न पाउने अधिकारलाई सुरक्षित ढंगले प्रयोग गर्नेबारे प्रशिक्षित गराएको मुख्य निर्वाचन अधिकृत कमलराज विष्टले बताए । निर्वाचनमा २ हजार ९ सय ५५ बढी कर्मचारी खटिनेछन् । पाल्पामा १ लाख ३ हजार १ सय १८ महिला र ९८ हजार २ सय ८ पुरुष गरी २ लाख १ हजार ३ सय २६ मतदाता रहेका छन् ।

तालिममका अवसरमा मुख्य निर्वाचन अधिकृत विष्ट, प्रमुख जिल्ला अधिकारी जगन्नाथ पन्त, जिल्ला निर्वाचन अधिकारी रुक्मांगत अर्याल, निर्वाचन अधिकृतको कार्यालय क्षेत्र १ का निर्वाचन अधिकृत गोपालप्रसाद ढकाल, जिल्ला समन्वय प्रमुख जनार्दन अधिकारीलगायतले सहजीकरण गरेका थिए ।

तालिम समापनसँगै मतदान अधिकृत र सहायक मतदान अधिकृतलगायत कर्मचारीलाई नियुक्तिपत्र दिइएको छ । मंसिर १ गते सबै मतदान केन्द्रमा मतदान अधिकृत, सहायक मतदान अधिकृत, कर्मचारी र सुरक्षाकर्मी खट्नेछन् ।

प्रकाशित : कार्तिक २६, २०७९ १९:३४
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?