२२.१२°C काठमाडौं
दाङमा दुई किशोरकिशोरी मृत भेटिए
दाङ — दाङमा जंगलमा गाडिएको अवस्थामा दुई किशोरकिशोरीको शव फेला परेको छ । तुलसीपुर उपहानगरपालिका १३ दमारगाउँस्थित जंगलमा स्थानीय १५ बर्षीय शरद आचार्य र १४ वर्षीया रोशनी महतारा जंगलमा गाडिएको अवस्थामा आइतबार फेला परेको जिल्ला प्रहरी प्रवक्ता डिएसपी राजनकुमार गौतमले बताए ।
असोज २७ गते साँझ घरबाटै हराएका किशोरकिशोरीको शव एकै ठाउँमा गाडिएको अवस्थामा फेला परेको उनले जनाए ।
मृतकको शरीरमा चोटपटक रहेको र घटना शंकास्पद रहेको गौतमले बताए । घटना अनुसन्धानका लागि नेपालगन्जबाट तालिम प्राप्त कुकुर सहितको टोली मगाएको र जिल्लामा प्रहरी अनुसन्धानमा जुटेको उनले बताए ।
प्रतिक्रिया
