पाल्पाको रामपुरमा निर्वाचन अधिकृतको कार्यालय- लुम्बिनी - कान्तिपुर समाचार

पाल्पाको रामपुरमा निर्वाचन अधिकृतको कार्यालय

माधव अर्याल

पाल्पा — प्रतिनिधिसभा निर्वाचन क्षेत्र १ को निर्वाचन अधिकृतको कार्यालय रामपुरमा स्थापना भएको छ । मुख्य निर्वाचन अधिकृतको कार्यालय भने सदरमुकाम तानसेनमा बोर्डमात्र राखिएको छ । 

मंसिर ४ मा हुने प्रतिनिधिसभा सदस्य तथा प्रदेशसभा सदस्य निर्वाचनका लागि निर्वाचन आयोगले पाल्पाको दुई क्षेत्रको तानसेन र रामपुरमा कार्यालय स्थापना हुने जनाएको छ ।

असोज १५ देखि २० भित्र कार्यालय स्थापना गर्ने आयोगको कार्यक्रम छ । क्षेत्र १ का निर्वाचन अधिकृत गोपालप्रसाद ढकालले मर्यादित ढंगबाट निर्वाचन सफल बनाउने बताए । जिल्ला समन्वय समितिका प्रमुख टंकनाथ खनालले आयोगले प्रतिनिधिसभा र प्रदेशसभा निर्वाचनका लागि जिल्लामै कार्यालय स्थापना नगरी रामपुरमा स्थापना गर्नुले विकेन्द्रीकरणको नीति अवलम्बन गरेको बताए ।

रामपुर नगरपालिका प्रमुख रमणबहादुर थापाले आयोगको निर्देशन र आचारसंहिता पूर्ण पालनामा ध्यान दिनुपर्ने बताए । निर्वाचन अधिकृत रुक्मागत अर्यालले आचारसंहिता पूर्ण पालना गरी निर्वाचनमा अघि बढ्न आग्रह गरे ।

तानसेनमा भने शनिबार बोर्ड राखिए पनि विधिवतरुपमा कार्यालय स्थापना २० गते हुने बताइएको छ ।

प्रकाशित : आश्विन १७, २०७९ १०:३४
प्रतिक्रिया
पठाउनुहोस्

त्रिशूलीमा खसेर कार बेपत्ता, यात्रु सकुशल

रमेशकुमार पौडेल

चितवन — पोखराबाट झापाका लागि छुटेको कार सोमबार बिहान सवा ७ बजेतिर नारायणगढ-मुग्लिन सडकमा पर्ने भरतपुर महानगरपालिका-२९ सत्रकिलोबाट त्रिशूली नदीमा खसेर बेपत्ता भएको छ । बेपत्ता बा१०च ४५५४ नम्बरको कारमा रहेका दुई जना भने सकुशल रहेको चितवन प्रहरीले जनाएको छ ।

चितवन जिल्ला प्रहरी कार्यालयका प्रवक्ता डिएसपी विजयराज पण्डितका अनुसार कार अनियन्त्रित भएर नदीमा खसेको हो । कार झापा जिल्ला दमक नगरपालिका-३ का ५२ वर्षीय लिला भट्टराईले चलाएका थिए । कारमा उनीसँगै उनकी श्रीमती ४० वर्षीया देउकला दाहाल पनि थिइन् ।

दुवै जना सामान्य घाइते भएको डिएसपी पण्डितले जानकारी दिए । कारको खोजी भइरहेको उनले बताए ।


प्रकाशित : आश्विन १७, २०७९ १०:०२
पूरा पढ्नुहोस्
प्रतिक्रिया
पठाउनुहोस्
×