नेपालगन्ज — बाल यौन दुरुपयोग मुद्दामा फरार रहेका एक जनालाई जिल्ला प्रहरी कार्यालय बाँकेले पक्राउ गरेको छ । प्रहरीले फरार रहेका कोहलपुर नगरपालिका–११ का ३१ वर्षीय प्रकाश खत्रीलाई घरमै लुकिछिपी बसिरहेको अवस्थामा पक्राउ गरेको जनाएको छ ।
पक्राउ परेका खत्रीलाई आवश्यक कारबाहीका लागि बाँके जिल्ला अदालतमा बुझाइएको जिल्ला प्रहरी कार्यालय बाँकेले जनाएको छ ।
खत्रीलाई बाँके जिल्ला अदालतले २०७५ फागुन २ गते बाल यौन दुरुपयोग मुद्दामा ९ महिना १४ दिन कैद सजायको फैसला गरेको थियो ।