तुलसीपुर १८ बालश्रममुक्त वडा घोषणा- लुम्बिनी - कान्तिपुर समाचार
कान्तिपुर वेबसाईट
AdvertisementAdvertisement

तुलसीपुर १८ बालश्रममुक्त वडा घोषणा

दुर्गालाल केसी

दाङ — तुलसीपुर उपमहानगरपालिका १८ लाई शुक्रबार बालश्रममुक्त वडा घोषणा गरिएको छ । तुलसीपुर उपमहानगरपालिका प्रमुख टीकाराम खड्काले प्रतिबद्धतापत्र वाचन गरेर बालश्रम मुक्त वडा घोषणा गरेका हुन् ।

तुलसीपुर १८ मा १० जना बालबालिकाहरु व्यावसायिक र घरेलु कामदारका रुपमा रहेकोमा उनीहरुलाई परिवारमै पुन:स्थापना गरी बालमैत्री वडा घोषणा गरिएको महिला, बालबालिका तथा सामाजिक विकास शाखा प्रमुख माया श्रेष्ठले बताइन् । बालश्रम मुक्त घोषणा गरेबापत नगरप्रमुख खड्काले वडाध्यक्ष माधव वलीलाई सम्मानपत्र प्रदान गरेका थिए ।

वडाध्यक्ष वलीले श्रममा रहेका बालबालिकाहरुको परिवारलाई उद्यमशील बनाउन आर्थिक सहयोग गरिएको जानकारी दिए । अब वडामा कुनै पनि बालश्रमिक नहुने र भएमा तत्काल उद्धार गरिने उनले बताए ।

प्रकाशित : आश्विन ७, २०७९ २०:३८
प्रतिक्रिया
पठाउनुहोस्

मेयर कप स्नुकरमा नीरज तेस्रो चरणमा

कान्तिपुर संवाददाता

काठमाडौँ — हेटौंडाका नीरज श्रेष्ठ दोस्रो गोकर्णेश्वर मेयर कप खुला स्नुकर प्रतियोगिताको तेस्रो चरणमा पुगेका छन् । छोर्तेन स्नुकर क्लब बौद्धको आयोजनामा भइरहेको प्रतियोगितामा शुक्रबार नीरजले सेल्फका केसीलाई ३–१ को फ्रेममा हराए ।

विराटनगरका सरोज गौतम, खसौलीका गणेश थापा, डिप लभका परिवेश रेग्मी, बगरकोटका निर्मलकुमार तामाङ, पोखराका दीपेश क्षेत्री र खसौलीका अमर थापामगर पनि तेस्रो चरणमा पुग्न सफल भए ।

प्रतियोगितामा २ सय ५६ बढी खेलाडीको सहभागिता छ । शीर्ष तीन स्थान हात पार्नेले क्रमश: २ लाख ५१ हजार, १ लाख ११ हजार र ५१–५१ हजार रुपैयाँ नगद पुरस्कार प्राप्त गर्नेछन् । १ सय ४७ अंक ब्रेक गर्नेलाई १० लाख, सेन्चुरी ब्रेक गर्नेलाई १ लाख १ हजार र ८० अंकसम्म ब्रेक गर्नेलाई २५ हजार पुरस्कार प्रदान गरिने छ ।

उत्कृष्ट खेलाडीलाई २५ हजार, उदीयमान खेलाडी, अनुशासित खेलाडी र क्वाटरफाइनल पुग्ने खेलाडीलाई जनही ११ हजार रुपैयाँ पुरस्कार दिइने आयोजक क्लबले जनाएको छ । प्रिक्वाटरफाइनल यात्रा तय गर्ने खेलाडीलाई क्यु र क्यु बक्स प्रदान गरिनेछ । प्रतियोगिता नेपाल बिलियार्ड, स्नुकर तथा पुल संघको प्राविधिक सहयोगमा भइरहेको हो ।

प्रकाशित : आश्विन ७, २०७९ २०:२३
पूरा पढ्नुहोस्
प्रतिक्रिया
पठाउनुहोस्
×