अर्घाखाँचीमा पुरुषद्वारा पत्नीको हत्या

शुक्रबार साँझ घरमा श्रीमान–श्रीमतीबीच झगडा हुँदा पिताम्बरले अचार पिस्ने लोहोरो (ढुंगा) ले मनकलाको टाउकोमा हानेपछि घटनास्थलमै मृत्यु भएको इलाका प्रहरी कार्यालय ठाडाका प्रहरी निरीक्षक होमनाथ रेग्मीले बताए ।

श्रीमतीलाई हानेर हत्या गरेपछि पिताम्बर प्रहरी कार्यालयमा पुगेर आफूले श्रीमतीको हत्या गरेर आएको बयान दिएको रेग्मीले जानकारी दिए । अहिले पिताम्बर प्रहरी नियन्त्रणमा रहेका छन् । मृतक मनकलाको टाउकोमा गम्भीर चोट लागेको देखिएको छ ।

स्थानीयहरूका अनुसार केही वर्षदेखि भुसाल दम्पत्तिबीच नियमित झगडा हुने गरेको थियो । उनीहरूले एउटै घरमा छुट्टाछुट्टै भान्सामा पकाएर खाने गरेको पनि छिमेकीहरूले बताए । उनीहरूका दुई छोरा र एक छोरी रहेका छन् ।