अर्घाखाँचीमा पुरुषद्वारा पत्नीको हत्या- लुम्बिनी - कान्तिपुर समाचार
कान्तिपुर वेबसाईट
AdvertisementAdvertisement

अर्घाखाँचीमा पुरुषद्वारा पत्नीको हत्या

वीरेन्द्र केसी

अर्घाखाँची — अर्घाखाँचीको शितगंगा नगरपालिका–३ ठाडामा ५३ वर्षीय एक पुरुष आफ्नै श्रीमतीको हत्या गरेको आरोपमा पक्राउ परेका छन् । ठाडाका पिताम्बर भुसालले ५० वर्षीय श्रीमती मनकला भुसालको हत्या गरेको प्रहरीको प्रारम्भिक अनुसन्धानबाट खुलेको बताइएको छ ।

शुक्रबार साँझ घरमा श्रीमान–श्रीमतीबीच झगडा हुँदा पिताम्बरले अचार पिस्ने लोहोरो (ढुंगा) ले मनकलाको टाउकोमा हानेपछि घटनास्थलमै मृत्यु भएको इलाका प्रहरी कार्यालय ठाडाका प्रहरी निरीक्षक होमनाथ रेग्मीले बताए ।

श्रीमतीलाई हानेर हत्या गरेपछि पिताम्बर प्रहरी कार्यालयमा पुगेर आफूले श्रीमतीको हत्या गरेर आएको बयान दिएको रेग्मीले जानकारी दिए । अहिले पिताम्बर प्रहरी नियन्त्रणमा रहेका छन् । मृतक मनकलाको टाउकोमा गम्भीर चोट लागेको देखिएको छ ।


स्थानीयहरूका अनुसार केही वर्षदेखि भुसाल दम्पत्तिबीच नियमित झगडा हुने गरेको थियो । उनीहरूले एउटै घरमा छुट्टाछुट्टै भान्सामा पकाएर खाने गरेको पनि छिमेकीहरूले बताए । उनीहरूका दुई छोरा र एक छोरी रहेका छन् ।

प्रकाशित : आश्विन ७, २०७९ २०:१५
प्रतिक्रिया
पठाउनुहोस्

काठमाडौंमा सेकेन्ड ह्यान्ड गाडीको मेला

कान्तिपुर संवाददाता

काठमाडौँ — सेकेन्ड ह्यान्ड सवारी किन्न चाहने उपभोक्तालाई लक्ष्य गरेर काठमाडौंमा मेला सुरु भएको छ । होटल अन्नपूर्णमा शुक्रबार सुरु भएको ‘हाम्रो बजार कार्निभल’ आइतबारसम्म चल्नेछ ।

विभिन्न ब्रान्डका सवारी साधन तथा कम्पनीका डेढ दर्जनभन्दा बढी आधिकारिक बिक्रेता मेलामा सहभागी छन् । यसमा ८ वटा नयाँ कार ब्रान्ड सहभागी छन् । मेलामा २ सयभन्दा बढी सेकेन्ड ह्यान्ड कार बिक्रीका लागि राखिएको आयोजकले जनाएको छ । मेलामा बिक्रीका लागि ल्याइएका त्यस्ता कार ५० वटा भन्दा बढी व्यक्तिगत छन् । त्यस्तै, २० भन्दा बढी रिकन्डिसन हाउसबाट पनि सवारीसाधन बिक्रीका लागि ल्याइएको छ ।

मेलामा सवारी खरिद तथा सोधपुछका लागि आउनेहरुको संख्या शुक्रबार उत्साहजनक रहेको आयोजकले बताएको छ । सेकेन्ड ह्यान्ड सवारी किन्न चाहनेहरुका लागि तत्कालै फाइनान्स गर्न सक्ने सुविधा दिइएको दिइएको छ । खरिद फिर्ता ग्यारेन्टी, सवारीको गुणस्तरको सुनिश्चिततालगायतका सुविधाहरू पनि दिइएको आयोजकले जनाएको छ ।

प्रकाशित : आश्विन ७, २०७९ २०:१३
पूरा पढ्नुहोस्
प्रतिक्रिया
पठाउनुहोस्
×