आईटीएफ तेक्वान्दोमा नवलपरासीलाई उपाधि- लुम्बिनी - कान्तिपुर समाचार
कान्तिपुर वेबसाईट
AdvertisementAdvertisement

आईटीएफ तेक्वान्दोमा नवलपरासीलाई उपाधि

सन्जु पौडेल

तिलोत्तमा — नवौं राष्ट्रिय खेलकुद २०७९ लुम्बिनी प्रदेशस्तरीय छनौट प्रतियोगिताअन्तर्गत मार्सलआर्टको विधा आईटीएफ तेक्वान्दोमा नवलपरासी जिल्लाले उपाधि चुमेको छ । ८ स्वर्ण, २ रजत र २ कास्यसहित १२ पदक जित्दै नवलपरासी जिल्ला टिम च्याम्पियन बनेको हो ।

यसैगरी खेलमा पाल्पा जिल्लाले ६ स्वर्ण, १ रजत र ७ कांस्य गरी कूल १४ पदक जित्दै दोस्रो स्थान हासिल गरेको छ । खेलमा गुल्मी जिल्ला ५ स्वर्ण, ३ रजत र १ कांस्य गरी कूल ९ पदक जित्दै तेस्रो तथा रोल्पा जिल्लाले ४ स्वर्ण, १ रजत र ३ कांस्य गरी कूल ८ पदक जित्दै चौथो स्थान हासिल गरेको छ ।

प्रतियोगितामा महिलातर्फ गुल्मीकी सविना श्रेष्ठ र पुरुषतर्फ पाल्पाका रजन रेश्मी उत्कृष्ट घोषित भए ।

प्रकाशित : आश्विन ६, २०७९ १९:५८
प्रतिक्रिया
पठाउनुहोस्

नरैनापुरमा विपद् सूचना व्यवस्थापन प्रणाली लागू गरिने

रुपा गहतराज

नेपालगन्ज — बाँकेको नरैनापुर गाउँपालिकाले विपद् जोखिम न्यूनीकरण तथा व्यवस्थापनका लागि विपद् सूचना व्यवस्थापन प्रणाली लागू गर्ने भएको छ । गाउँपालिकासँगको सहकार्यमा वडास्तरबाट तथ्यांक संकलन गरी दुई महिनाभित्रै पोर्टल सञ्चालनमा ल्याउने तयारी गरिएको छ ।

नरैनापुर गाउँपालिकामा सेभ द चिल्ड्रेनको सहयोगमा एसडीएफले आयोजना गरेको पोर्टल स्थानीयकरणसम्बन्धी अभिमुखीकरण कार्यशालामा बोल्दै नरैनापुर गाउँपालिकाका अध्यक्ष इश्तियाक अहमद शाहले पोर्टलमार्फत विपद्को तयारी, प्रतिक्रिया, सतर्कता, जोखिमसम्बन्धी जानकारीका साथै क्षमता र संशोधनका विभिन्न तथ्याङ्क र सूचना लिन सहज हुने भएकाले उक्त पोर्टल सञ्चालनका लागि गाउँपालिका तत्पर रहेको बताए ।

कार्यशालालाई सहजीकरण गर्दै आईएचआरआरका टिम लिडर सुरज गौतमले विपद् पोर्टलले विपद् जोखिम न्यूनीकरण तथा व्यवस्थापनका लागि चाहिने पूर्वतयारी, पूर्वचेतावनी र प्रतिकार्यमा सुदृढ पार्ने क्षमता राख्नुका साथै यसले विपद् जोखिमको सञ्चार र विपद्पछिको घटनामा समन्वय गर्न; तथ्यमा आधारित रहेर विपद् जोखिम न्यूनीकरणसँग सम्बन्धित योजना तर्जुमा गर्न तथा स्थानीयस्तरमा निर्णय लिन र नीति बनाउनसमेत मद्दत पुर्‍याउने बताए ।

कार्यशालामा सेभ द चिल्ड्रेनका वरिष्ठ कार्यक्रम संयोजक शेर रौलेले विपद् पोर्टलले जल विज्ञान र मौसमसम्बन्धी जोखिमहरू भारी वर्षा‚ बाढी, वातावरणीय जोखिम‚ जलवायु प्रदूषण र भूकम्पजस्ता भूगर्भीय जोखिमसम्बन्धी सूचना दिनुका साथै चेतावनी वा खतरा सीमा पार गर्दा विपद् पोर्टलमा चेतावनी सूचना प्रदर्शित हुने बताए ।

पोर्टल सञ्चालनमा ल्याउनका लागि एसडीएफलाई प्राविधिक सहयोग गर्दै आएको नक्साका सुमिता मानन्धर र रोजिना ढकालले प्रकोपसम्बन्धी कागजात, स्थानीय, वडा र समुदायस्तरमा प्रकोप व्यवस्थापन समितिका सदस्यको सम्पर्क जानकारी, स्थानीय सरकारले प्रकोप जोखिम न्यूनीकरण र व्यवस्थापन परियोजनासम्बन्धी डेटा र जानकारी एकीकृत गर्न पोर्टल सञ्चालनमा ल्याउन जरुरी रहेको बताउँदै पोर्टल सञ्चालनका लागि आवश्यक पर्ने प्राविधिक सहयोग गर्ने प्रतिबद्धता व्यक्त गरेका थिए ।

प्रकाशित : आश्विन ६, २०७९ १९:३५
पूरा पढ्नुहोस्
प्रतिक्रिया
पठाउनुहोस्
x
×