बाँकेमा ब्राउनसुगरसहित तीन जना पक्राउ
नेपालगन्ज — इलाका प्रहरी कार्यालय कोहलपुरले ब्राउनसुगरसहित तीन जनालाई पक्राउ गरेको छ । इलाका प्रहरी कार्यालय कोहलपुरका डीएसपी ऐनबहादुर मल्लका अनुसार कोहलपुर नगरपालिका–१२ चप्परगौडीबाट प्रहरीले रूद्रबहादुर कार्की, उनकी श्रीमती एशोदा कार्की र मनोज गिरीलाई २६ ग्राम ४ सय मिलिग्राम ब्राउन सुगरसहित शनिबार पक्राउ गरिएको हो ।
कार्कीको घरबाट ब्राउनसुगर तौलिने तराजुसमेत बरामद भएकोले प्रहरीले थप अनुसन्धान गरिरहेको जनाएको छ ।
यसैबीच, बाँकेमा करेन्ट लागेर एक जनाको मृत्यु भएको छ । राप्तिसोनारी गाउँपालिका–८ शम्शेरगन्ज बस्ने ७३ वर्षीय बुद्धिमान लामाको करेन्ट लागेर शनिबार साँझ मृत्यु भएको छ ।
पानी तान्ने मोटरमा तार जोड्ने क्रममा करेन्ट लागेर गम्भीर घाइते भएका उनको मेडिकल कलेज कोहलपुरमा उपचारको क्रममा मृत्यु भएको हो ।
प्रकाशित : आश्विन २, २०७९ १७:४२