बाढीमा फसेका ३ जनाको उद्धार

राप्ती नदीमा पानीको सतह घटेपछि उनीहरूको उद्धार सम्भव भएको हो । ईलाका प्रहरी कार्यालय धामपुरका निमित्त प्रमुख वरिष्ठ हवल्दार तुलसीराम चौधरीका अनुसार पानीको सतह घटेपछि उद्धारका लागि प्रहरी पुगेको थियो । ‘अहिले बाढी घटिसकेको छ । टापुमा फसेका गोठालाहरु सकुशल छन्,’ उनले भने ।

स्थानीयका अनुसार राप्ती सोनारी गाउँपालिका-४ का ५५ वर्षीय सीताराम थारु, ४५ वर्षीय बल्लुराम थारु र ६० वर्षीय लोकबहादुर थारु गोठाला गएका थिए । दिउँसो राप्ती नदीमा बाढी आएपछि उनीहरू फसेका थिए ।