तानसेनमा करेन्ट लागेर एक जनाको मृत्यु
पाल्पा — पाल्पाको तानसेनमा मंगलबार ३४ वर्षीय महेश राईको करेन्ट लागेर मृत्यु भएको छ । खोटाङको जन्तेढुंङ्गा–३, घर भई तानसेन नगरपालिका–१, गैरागाउँ बस्दै आएका राईको मृत्यु भएको जिल्ला प्रहरी कार्यालयले जनाएको छ ।
तानसेन नगरपालिका–४, सिलखानल टोलस्थित झविन्द्र देवकोटाको घरमा काम गर्ने क्रममा अचानक करेन्ट लागेको जिल्ला प्रहरी कार्यालयका सूचना अधिकारी वीरेन्द्र थापाले बताए ।
करेन्ट लागेर घाइते भएका राईको उपचारका क्रममा युनाइटेड मिसन अस्पतालमा मृत्यु भएको हो । अनुसन्धान अधिकृतसहितको टोलीले घटनाको अनुसन्धान गरिरहेको प्रहरीले जनाएको छ ।
प्रकाशित : भाद्र २१, २०७९ २०:२४प्रतिक्रिया
