प्यूठानमा भ्यान दुर्घटना हुँदा ८ जना घाइते- लुम्बिनी - कान्तिपुर समाचार
कान्तिपुर वेबसाईट
AdvertisementAdvertisement

प्यूठानमा भ्यान दुर्घटना हुँदा ८ जना घाइते

शमशेरविक्रम जीसी

प्यूठान — सरुमारानी गाउँपालिकाको कुडुलेमा भ्यान दुर्घटना भएको छ ।

दाङको भालुवाङबाट प्यूठानको बाग्दुला आउँदै गरेको लु २ ख ३५६९ नम्बरको भ्यान दुर्घटना हुँदा ८ जना घाइते भएको जिल्ला प्रहरी कार्यालय प्यूठानका प्रहरी नायब उपरीक्षक सत्यनारायण थापाले जानकारी दिए ।

घाइते ८ जनालाई उपचारका लागि दर्भान लगिएको र पाँच जनाको अवस्था सामान्य रहेको प्रहरीले जनाएको छ ।


प्रकाशित : भाद्र ६, २०७९ १३:०४
प्रतिक्रिया
पठाउनुहोस्

आईपीओ भर्दा बढीमा ५ रुपैयाँ मात्रै शुल्क लाग्ने व्यवस्था गरिँदै

कान्तिपुर संवाददाता

काठमाडौँ — अब प्राथमिक सेयर (आईपीओ) भर्दा बैंकहरुले बढीमा ५ रुपैयाँ मात्रै शुल्क लिन पाउने व्यवस्था हुने भएको छ । नेपाल धितोपत्र बोर्डका अध्यक्ष रमेश हमालले आइतबार बसेको सञ्चालक समितिको बैठकमा सीआस्बा शुल्क अधिकतम ५ रुपैयाँ मात्रै लिन पाउनेगरी व्यवस्था गर्नेबारे छलफल भएको जानकारी दिए ।

नेपाल स्टक एक्स्चेन्जले राजधानीमा आयोजना गरेको डेरिभेटिभ्स बजारको सम्भावना र चुनौती विषयक छलफल कार्यक्रममा हमालले यसबारे जानकारी दिएका हुन् । हाल बैंक तथा वित्तीय संस्थाहरुले आईपीओ भरेबापत ग्राहकसँग धेरैजसोले १५, २० र २५ रुपैयाँ शुल्क लिने गरेका छन् ।केहीले नि:शुल्क गरेका छन् । थोरै संख्याको आईपीओ जारी हुने गरेकाले आईपीओ नै नपर्ने तर शुल्क महँगो भएको गुनासो लगानीकर्ताले गर्दै आएका थिए । हाल २० लाखभन्दा धेरैले आईपीओ भर्ने गरेका छन् ।

पुँजी बजारको विकासका लागि आफू निरन्तर लागिरहेको बताउँदै हमालले डेरिभेटिभ्स बजारको विकासका लागि निकै चनाखोपूर्वक काम गर्नुपर्ने आवश्यकता औंल्याए । १० वटा प्राइभेट इक्वीटी फण्ड र भेन्चर क्यापिटललाई संभवत: भदौभित्रै स्वीकृति दिइने उनले बताए ।


प्रकाशित : भाद्र ६, २०७९ १२:४४
पूरा पढ्नुहोस्
प्रतिक्रिया
पठाउनुहोस्
×